Genesis 49:4 - Nobonob Baibel

⁴ Anam aakku, amge nahip dabmak am ɠagattag iitta amunu, na kobol dubuttid ele hee, na da, na mamen, na da waal amge waalnab iitta, na nug ele niipiɗ amunu, na onin attan dayaknu elele iitta.

Genesis 49:4 Iomraidhean Croise

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 46:8

Israel buɗub, amuam Jakop bekkod, Isip goppig ele, ag onilkad am inam. Ruben nug nid naanaeg; nug nid danab.

1 Stori 5:1

Ruben, nug am Israel bekka naanaeg. Nug nid danab naanaeg, amge nug kobol dubuttid ele he, nug mameg wau amge waunab iitta, nug nug ele niipiɗ amunu, ⌊Jakop nug⌋ nid danab naanaegnu binag nuhigppa dayom aɗitta awa, nug bekka Josep bekoɗ matom. Amu diig amunu, Jakop bekka naanaeg, Ruben, nug nid danab naanaeg, amge nug onig nid danab naanaeg abenppa ii daatte.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

Duteronomi 27:20

Appeg, Lewi buɗub ag inam akkulag. “Laa nug mameg wau ele gappai aoglah, nug eheɗ laa awaknu anak waappa dayaɗ! Aɗinu? Nug anam hekku dayeb amu, nug mameg hunu qette bia hette,” akkulag. Appeg, danab ah oh ag, “Genab, anam dayaɗ!” akkulag.

Duteronomi 33:6

Moses nug anam mattia, nug nai tuɗitta, nug Israel dilag huu okkai Rubennu inam aum. “Israel dilag huu okkai Ruben danab ah, ag daanna, ii iitta memananu ool daatte. Ruben huu am kuɗumnab iitta, amge ag iitta mekkulagnu ool ii daatte,” awa aum.

Duteronomi 5:21

Na layap wau aib amen qeeb aolomnab dabmak eheɗ aome. Laa amu, na layap laug, o wan nuhig, o maɗi nid nuhig, o nuhig maɗi ah, o nuhig makau okkai ebehi ele, o nuhig donki, o nuhig keeke laala ele, na amu ohnu na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

2 Pita 3:16

Pol nug uɗug laala ele yaalattom, amu amuppa nug keeke oh da yaami, nug amunu ele yom. Nuhig yaakppa keeke laala doya oo maittaknu am uug ele, amu danab laala, ag am danab doyak elele ii awak, ag ooppa genab doyaknu mehuqak oh pehettak ele ii dootteb amu, ag Polnu nai amu ebqena, mehuqak augigiak, ag Kayaknu nai laala mehuqak augigiak hetteb bia hena, ag akka ag nob nau aoglagnu aakku ib bappaidtteb.