Genesis 47:6 - Nobonob Baibel

⁶ Antte! Isip wan aakku daatte. Isip wan laih adekku am enanagnab amu, na appe, ag appa daaglag. Ag wan atu onig Gosen appa ena daaglag dayeb amu, ag appa dayeg! Amu laa ele, laa ag oolagppanu doɗ gumattak uɗat tutukku dootteb ele amu, na appe, ag doɗ dahil gumadkkulag,” awa aum.

Genesis 47:6 Iomraidhean Croise

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Genesis 13:9

Wan okkai niitte amunu, i aben laippuppa ii daamɗa. Na amen humana, neegppe ukkeb, atu oh antte! Anidna amu, na nanehppa gokkut, da naɗiap-ppa gokkul. O iitta, na naɗiap-ppa gokkut amu, da nanehppa gokkul,” awa aum.

Genesis 20:15

Mettowa amu, nug Abraham amegppa aum. “Wan imu oh dahil. Na aben laa anidna daakkutnu oot heeb, am daakkut,” awa aum.

Genesis 34:10

Ag ihinig wanppa ig oonigppa daanna oippeg daagnig; ag amu hekkulagnu od matulakib daatte. Ag ig ele wan imuppa daappeg, ig daden mak uɗat hetata, wan imu laih laih aoglag,” awa aum.

Genesis 45:10

Uɗippe amu, na, na baenadppa ele, amu doɗ nahip oh ele, amu nahip keeke oh Isip ippa, wan atu onig Gosen, appa da gukkuiɗna daaglag.

Genesis 46:34

ag inam appeg dookku. ‘O naɗi, ig, nahipad maɗi nid amu, ig nid nakokppanu doɗ gumattak uɗat, amuib heut uɗie, gemu ele hettem. Ig mamenkad aɗi ag ele uɗat amuib heppig.’ Ag anam aig!” awa aum. Josep nug anam anana amu, nug nai baula tuɗitta aum. “Isip wanppa, aben laa ohppa Isip danab ag doɗ gumattak danab dilagnu oolagppa uuaknab dootteb amunu, da ami amu, ag nai anamib appeg, Paro nug ab, ag wan atu onig Gosen ippa daaglag,” awa aum.

Genesis 47:11

Anam amu Josep nug nug mameg, awakkud, amag ele ag Isip wanppa aben enanagnab daaglagnu matte, ag aguppa daappig. Aben amuam wan atu onig Gosen, onig laa Rameses. Paro aum, amubia Josep nug heum.

Genesis 47:16

Ag anam aeg amu, Josep nug aum. “Ahilag men doɗo iitta meum amunu, ag doɗ ahilkad diin uɗippeg, amunu nob am, da ee madakkul,” awa aum.

Genesis 47:4

Ag anam ana amu, ag baula ele appig. “Kanan wanppa appa amu, enug haen okkai daatte; doɗ ihinkad appa ee iitta amunu, ig ippa nakok daagnignu uɗimut. Anam amunu na appe, ig, nahipad maɗi nid, ig wan atu onig Gosen appa daagnignu oɗ medattem,” aon appig.

Genesis 47:5

Ag anam aeg amu, Paro nug Josep amegppa aum. “Na mamen, awanad, amap ele ag nahip-ppa uɗippig.

1 King 11:28

Jeroboam nug uɗat amu haaha, nug uɗat ena hettom amunu, haen King Solomon nug Jeroboam nug nid bau uɗat ena hettom antta amu, Solomon nug Jeroboam awa, Epraim, Manase ele dilah danab ag uɗat amu heppig ele, nug ag gumadkkunu tituane, nug uɗat heegeg gumadttom.

2 Stori 26:10

Amu Usia nug ⌊daup ag aguppa daappeg, kekeɗ ag uɗippeg anadna ban hekkulagnu,⌋ atu taɗakppa ele ⌊ban haknu⌋ lag attan ta ukkak menppa hak ele hattom. Usia nug doɗ kuɗumnab ele. Doɗ amuam qauko okkai diigppa qauko nakok daatteb, amuppa, amu wan uɗemppa ele daappig amunu, nug le aben laala wan moɗppa qagmeeb, doɗ ag lakkulagnu wan moɗ ele buuattom. Amu Usia nug dad hekkunu oo huana heum amunu, nug he, danab kuɗum ag eenu dad nuhig, grepnu dad nuhig ele, qauko nakokppa, oolnu noak wan ittag eleppa daappig amu, danab amu ag aguppa daan atognoadppig.

Eksodas 18:21

Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Eksodas 9:10

Nug anam aum amunu, Moses, Aron ele aa aab uhuɗ aoya goya, aa Paro noobppa hippaidya daayya, Moses Nug aab uhuɗ amu tauɗe, attan teum. Aria, aab uhuɗ amu he, danab ah, doɗ ele ag beɗulag ohppa mamattin ba, mamattin amu yu qa, toɗa, ihilag mettom.

Eksodas 9:21

amge Paronu danab laa ag Yawe Nug nai aum amunu ag ii baɗappig ele, ag ahilkad begbeg maɗi nid, ahilkad doɗ ele, ag uuatteg, hamu dimittim daappig.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Jeremaia 40:4

Gemu da hei, sen eppenppa qakkak ele am uhuqakib daatte. Na uɗippe, da ele oh Babilon gokkunihnu oot hette dayeb amu, oh goɗa, appa da na atognoidkkul. Amge na anam oiyaknu oot ii daatte dayeb amu, na ii gomana. Nahip-ppa daatte. Antte! Wan imu oh daatte. Na adeppa gokkut am na ukkakib gokkut.” Nebusaradan nug anam awa, Jeremaia amegppa aum.

1 Samuel 21:7

Am deɗ amu Dawit nug uɗia, Nop aabppa beum amu, Saulnu maɗi nid laa nug appa deɗ amuppa Yawe noobppa daakkunu dayom. Danab amu nug danab huu laa ag sipsip, makau, keeke Saulnu gumadtteb, nug am amu dilag gumak danab. Danab amu onig am Doeg, nug am Edom danab.