Genesis 44:5 - Nobonob Baibel

⁵ Aɗinu ag dahil okkainu kap silwappa heppig yab aoppig? Dahil okkai nug kap amuppa le lanana, eman uɗat nuhig amuppa ele hette amu, ag iite dootteb? Ag nau heppig,’ aon a!” awa aum.

Genesis 44:5 Iomraidhean Croise

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 44:15

Anam heeg amu, Josep ag amelagppa aum. “Ag aɗi hekkulagnu anam heppig? Da am danab emanppa keeke dookkulnu elele amu, ag iite dootteb?” awa aum.

Genesis 44:6

Josep nug amegppa anam a amu, lag gumak danab nug aha, dim lamatta ukka, gukkuatta wana, Josep nai aum amu, amelagppa aum.

1 King 20:33

Benhadatnu ehanittak anuqak danab ag King Ahap nug nai aɗi akku, ag amunu daulag humaegeg, nug, “I am eamag,” aum, ag dooppig bia, ag keeke hetteb amuam ii ettamna, anam bekkunu ag paha appig. “Ge, na Benhadat ele, aa am eamag,” aon appig. Aria, King Ahap nug ag amelagppa, ag Benhadat omalppeg, nug gumitta uɗikkunu a, ag gona, Benhadat amegppa aeg, nug aha, Ahap gumitta ukkom. Ukke, Ahap nug Benhadat amegppa nuhig bannu karisppa bekkunu aum.

2 King 21:6

Manase nug amu ha, nug bekka mana, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum amu Yawe noobppa haaha, amuppa nug he, Yawe Nug oo huana nauhom.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.