Genesis 3:17 - Nobonob Baibel

¹⁷ Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

Genesis 3:17 Iomraidhean Croise

Genesis 3:11

Adam nug anam awa a amu, Yawe Kayak Nug aum. “Aun na lamen iitta daattem a doome? Da ad meu laa na ii lamananunab ami amu, na aon lamete?” awa oɗ mettom.

Genesis 3:18

Uud keeke qaun ele wanppanu bena, na uug mettaglag, amge na ee aeg wanppanu betteb lakkut.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Genesis 5:29

Do amu Lamek nug aum. “Yawe Nug wan eheɗ laa awaknu anak waappa daakkunu meum amu, nid imu nug ig wanppa uɗat ihinignu ehanigkku,” amunu Lamek nug onig Noa ataɗom.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

Job 14:1

Danab oh ag ah oolkadppanu dotteb ele, ag wanppa haen elab ii daatteb. Ao, ag uug kuɗumnab ele maon oitteb.

Job 21:17

Anam, amge Kayak Nug haen kuɗum he, nau hak danab ag paha mauhttebte? Iitta. Haen kuɗum Kayak Nug he, uug naunab nau, uug amuam Kayak Nug oo nauhe, danab bu madatte amu, bu amuam nau hak danab dilagppa haen kuɗum bettete? Iitta.

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

Eklisiastis 2:11

Da eppelppa uɗat amu okkai hein; da aɗi keeke bekkunu uɗat heinne daami. Da anam hemi, amge da hein malen, keeke amu oh am gaɗappa, unuqagppa ele anttak laippu iitta anidmi; keeke amu oh am danab nug ulah aɗakkunu, ulah dim lamidtte, am amubia. Aam waappa uɗat amu oh hemippa, am keeke meu ele ii beum.

Eklisiastis 2:17

Anam amunu, da bau dayaknu nau ninig ele doomi. Aɗinu? Diig laa am danab ag uɗat aɗi aɗi aam waappa hetteb ele, da amu ohnu uugib doomi. Diig laa am keeke oh am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, amubia.

Eklisiastis 5:17

Nug keeke aɗi ena laa ii aotte. Nug oo doyak, oɗe qak, oo nauhak ele aakkuib doyaya andatta oitte.

Matyu 22:12

King nug danab amu antta amu, nug amegppa aum. ‘Lai, attemun na ewau matulaknu hobulnu lamen ⌊mettami amu⌋ ii mena, lag imu ooppa neme?’ Nug anam a amu, danab amu nug nai iitta, toetta dayom.

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Luk 19:22

A amu king nug nid amu amegppa aum. ‘Na maɗi nid nau, bodoettaknab. Da na nakka nahip nai amuppa na epeɗidkkul. Amu genabnabte da am danab ɠagattag daayi, na doome? Amu genabnabte keeke danab laala meeg, da aottem amu danab laala ee eppaeg, da meu aottem, da anam heiyi doomete?

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Hibru 6:8

Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.