Genesis 27:12 - Nobonob Baibel

¹² Amu mam nug da beɗul aɗa doya, nug da nuhignu hippeg qakkak kobol hettem dookku. Anam maidkku amunu, da nuhigppa itittak ena ii aopa. Nug eheɗ laa awaknu anak waappa daakkulnu akku,” awa aum.

Genesis 27:12 Iomraidhean Croise

Genesis 25:27

Dimppa aa ena meya, Esau nug hikan danab dayom. Nug dad okkaippa oiyom, amge Jakop nug toetta dayak danab; nug ag daappigppa dayom.

Genesis 27:36

Aisak anam a, Esau nug aum. “Jakop nug onig tutukku dim lamidtte. Haen aɗit nug da hambuppuiɗom. Tatam nug nid danab tatamnu dilag itittak ena anuqak dahil yab bia awom, amu gemu ele nug itittak ena dahil awom!” Nug anam ana amu, nug mameg baula oɗ mettom. “Na itittak ena laippu laa da meɗakkutnu elele iittate?” awa oɗ mettom.

Genesis 27:45

da nai meppi ukkeb doona, eɗun uɗikkut. Aɗinu aa oh deɗ laippuppa mauhkkulah?” awa aum.

Genesis 9:25

Doya amu nug aum. “Da Kanan eheɗ laa awaknu anak waappa daakku ool daatte. Amuam da nug, nug mamekkud baelkadppa dilag begbeg maɗi nid onig iitta daakkunu ool daatte,” awa aum.

Job 12:16

Kayak Nug ɠagattag oh ele, Nug doyak dabmak ena hambuppuak nakok laa iitta ele; laa nug layag hambuppuidtte, layag bubuittom ele, aa oh Kayak eppegppa daattep.

Jeremaia 48:10

Danab nug Yawe uɗatnu hamu bia doyaya, uɗat amu haaha, pehettak ii hette amu, nug eheɗ laa awaknu anak waappa dayaɗ! Ao, laa nug Yawe oɗe ii dim lamitta, qep elab nuhigppa danab ii aqadtte amu, nug eheɗ laa awaknu anak waappa dayaɗ!

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

2 Korint 6:8

danab laala ag ig oninig humaegeg amu danab laala ag am ig oninig aɗaeg notte eleppa, amu danab laala ag am nai nau ig dimunigppa mattiegeg, danab laala ag ig kobol ena hettem amunu maditteb eleppa, ig amu ohppa ig am Kayaknu maɗi nid daattem ippunadttem. Am laala ag ihinignu hambuppuak danab anam doigtteb, amge ig am anam iitta, ig nai genabnabib madittem.

Duteronomi 27:18

Appeg, Lewi buɗub ag inam akkulag. “Aun laa nug ameg gaɗuak ele laa omala he, ib apiɗidtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

1 Tesalonaika 5:22

Keeke eheɗ oh, ag dimatteg!