Genesis 26:12 - Nobonob Baibel

¹² Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Genesis 26:12 Iomraidhean Croise

Genesis 24:1

Amu haen Abraham nug wanppa oiyeye, Yawe Nug nuhig keeke ohnu itittom. Itittette amu, Abraham nug kaino meum.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 25:11

Abraham mauhe, Aisak, nug Ber Lahai Roi guguittak daye, amu Kayak nug itittom.

Genesis 26:29

Haen na ihinig wanppa daame amu, ig nahip-ppa eheɗ laa ii hemut. Ig nahip-ppa kobol enaib heta, dimppa uug be, ig heut, na maɗoɗ ele ahan uɗime. Amu tituanak nai am inam. Ig nahipnu hemut amu, na ihinignu anamib hekkut,” aon appig. Ag amu awona, ag appig. “Gemu Yawe na itidtte,” appig.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Genesis 30:30

Na amu doottemnu diig am, anukka na enun kuɗum iitta, amge dahil uɗat ohppa Yawe Nug ititte, na gemu enun kuɗum ele daattem. Anam aakku, amge gemu dahilnu am attemun? Da ganeb dahilad dilagnu keeke digmein aokkul?” awa aum.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Sam 67:6

Ihinig wanppa ee kuɗum be, ig aomut; Kayak, Nug am ihinig Kayak, Nug itittak ena ig mekkom.

Sam 72:16

Ihinig wanppa ee dattanu meu huana okkulagnu ool daatte. Yo, qauko ikkilkadppa ee bekkulagnu ool hette. Ad meulkad oeg, ig lattem ele, Lebanon appa ena betteb amubia, ippa ena bekkulagnu ool daatte. Ge, gikkiɗah atuppa hamu betteb, ad meu amubia bekkulagnu ool hette.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Matyu 13:23

Aria, ee aeg wan enappa nena qeppig ele amu, nai amu inam ippunigtte. Danab nug nai daugppa doya dabmedatte, nai diig ele oo maidtte amu, nug meu ena otte, laa 100, laa 60, laa 30 eppakppanu eɗittak, anam otte,” awa aum.

Matyu 13:8

Amge ee aeg laala ag wan enappa nena qena, ena bena, meu oppig. Ee aeg laala ag meulkad 100 oppig. Laala ag meulkad 60 oppig, amu laala ag 30 oppig.

Mak 4:8

Ee aeg laala ag wan enappa nena qena, ena bena, meu oppig. Ee aeg laala ag meulkad 30 oppig. Laala ag meulkad 60 oppig, amu laala ag 100 oppig.” Jesus Nug anam aum.

1 Korint 3:6

Da ee aeg eppai, Apolos nug le mettom, amge Kayak Nug he, ee amu beum.