Genesis 26:1 - Nobonob Baibel

¹ Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Genesis 26:1 Iomraidhean Croise

Genesis 12:10

Amu haen amuppa enug haen wan amuppa ba dayom. Enug haen amuam naɗi beum amunu, Abram nug aha, Isip wanppa nakok daakkunu ukkom.

Genesis 25:11

Abraham mauhe, Aisak, nug Ber Lahai Roi guguittak daye, amu Kayak nug itittom.

Genesis 25:34

Anam he amu, Jakop nug Esau bret, amu bin diig laa onig lentil, amunu lewa ele mettom. Mette, Esau nug lawowa, aha ukkom. Nug nuhig nid danab tatamnu itittak ena anuqak am keeke anuqak dab-ii-mettom.

Genesis 42:5

Kanan wan ohppa enug haen beum amunu, Israel bekkod ag danab laala ele ee aeg daden mekkulagnu Isip goppig.

Genesis 43:1

Aria, enug haen okkai ba, anamib dayeye,

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

Eksodas 33:1

Amu Yawe Nug Moses amegppa inam aum. “Na danab ah na Isipnu omalatte uɗippig ele amu, ag aben imu uun, wan laa, da Abraham, Aisak, Jakop ele wan amunu amelagppa, ‘Wan laih umu, geha da ag buɗulkad madakkul’ mattien, nai ɠagattag qettami amu, ag wan amuppa gokkulagnu omaladna ukke!

Rut 1:1

Haen epeɗiak danab ag Israel danab ah gumadppig, haen amu ooppa deɗ laa enug haen okkai laa Juda wanppa beum. Enug haen amuppa amu Juda danab laa, Betlehem aabppanu amu, nug aha, wan laa onig Moap, appa maɗ laala dayowa, eɗua uɗikkunu dabmaama ukkom. Danab amu, nug onig Elimelek; nug wau, bekoɗ ele oh diie goppig. Nug wau onig am Naomi, amu nug bekoɗ onilah am Malon, Kilion ele. Ahilag aab ikki onig amu Eprata. Ag Juda wanppa, Betlehem aabppanu. Amu ag ahan, Moap gona, appa daanna,