Genesis 23:4 - Nobonob Baibel

⁴ “Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 23:4 Iomraidhean Croise

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Genesis 23:5

Abraham anam a amu, Hit danab ag amegppa appig.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Genesis 50:13

Ag nug gaɗa maon Kanan wanppa gona, ag appa wan onig Makpela, Mamre guguittak, men oɗeppa boumppig. Abraham nug men oɗe amu, wan dayomppa ele Hit danab onig Epron, nuhigppanu boumak aben daakkunu awom.

1 Stori 29:15

Laa amu, ig nahip neekkakppa wan laihnu danab ah; wan imunu aab diig danab ah iitta daattem. Ig mamenkad aɗi ele anamib. Ig wanppa oittem amu, ig haen elabnab ii oittem. Haen tutuib oit, ig mauhta gottem.

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Sam 119:19

Da wanppa daattem amu, da aab diig danab iitta daattem. Na heppe, da nahip ɗo dookkulnu ool daatte!

Sam 39:12

“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Eksodas 2:22

Aa ewau matulak aoya oiya, dimppa Sipora nug oo ele daye, nug nid danab laa menuom. Nug nid amu menue, Moses nug nai anana, nug, “Da wan laihnu danab; da dahil wanppa ii daattem,” awa aum amunu, nug nid amu onig Gersom ataɗom.

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Eklisiastis 6:3

Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Lewitikas 25:23

⌊Am aib daulag atiom,⌋ wan amu dahilnab daatte amunu, ag wan amu aib hanhannu daden maknu meppig. Aɗinu? Wan am dahil; ag am wan laihnu danab ah daan, dahil wanppa daan, dahil uɗat hetteb.

Aposel 7:16

Ag mauhatteg, gaɗalag amu ag eɗun akkan gona, Sekem matmatppa boumadppig. Anukka Abraham nug silwa men doɗoppa wan amu Hamor buɗub, danab amu ag eppelagppanu awom.

Aposel 7:5

Amu Kayak Nug wan imuppa laih nakok laa Abraham eppegppanab daakkunu ii mettom, amge Kayak Nug dimppa wan imu Abraham, amu nug buɗub ele madakkunu nai qakka aum. Amu haen Abraham nug nid iitta oiyeye, Kayak Nug nai amu amegppa qakka aum.

Hibru 11:9

Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.