Genesis 23:2 - Nobonob Baibel

² nug Kanan wanppa aab onig Kiriat Arba onig laa Hebron, nug appa mauhom. Mauhe amu, Abraham nug Sarah mahidkkunu ukkom.

Genesis 23:2 Iomraidhean Croise

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 23:1

Amu Sarah nug maɗ 127 ele dayaya,

Genesis 23:19

Abraham wan amu awowa, nug ah nuhig Sarah wan men oɗe onig Makpela, amuam Kanan wanppa, Mamre guguittak, Mamre onig laa am Hebron amu, nug appa boumom.

Genesis 24:67

Nug nai mattia male, Aisak nug Rebeka omala, anig Sarahnu peh lakka ukka, appa me dayeye, aa ewau matulak aopiɗ. Rebeka nug Aisak wau daye, Aisak nug Rebekanu oo mauhom. Tatam nug anig Sarah mauhe, nug oo huan doyom, amge nug Rebeka awowa, nug oo mak doyom.

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 35:27

Aria, Jakop nug aha, nug mameg Aisak Mamre dayeye, nug nug gumitta noa dayom. Mamre am aab laa onig Kiriat Arba guguittak dayom. Kiriat Araba onig laa am Hebron. Anukka Abraham, Aisak ele Hebron appa daadpiɗ.

Genesis 37:14

Josep anam a amu, Jakop nug amegppa aum. “Na gona, awanad anatte! Ag ena daattebtai, amu doɗ ag ele ena daattebtai, na amu anatte! Anattona amu, na eɗun uɗin, appe dookkul,” awa aum. Anam awowa nug he, Josep nug Hebronnu oolnu noak uua, Sekem gokkunu ukkom.

Genesis 50:1

Jakop nug anam mauhe amu, Josep nug oo doyak doya, gomela, mameg gaɗa aɗaɗa gayaya ootuqittom.

Genesis 50:10

Ag gona, Atatnu ee aeg mumuɗaknu abenppa teppig. Aben amu le Jodan guguittak dayom. Haen ag appa tena amu, ag mahittak guittak ele heppig. Amu Josep nug mamegnu deɗ eblaih aɗit ele oo doyak doyaya, appa dayom.

2 Samuel 1:12

Ag amu hena, ag kekeɗ ag Saul, nug bekka Jonatan, Israel dilag daup kuɗum, ag Yawenu daup amu, am Israel danab laa kuɗum ele aqaeg mauhppig am dabmeppig amunu, ag gaanna, ee ii laeg ukke uudoum.

2 Samuel 1:17

Amu Dawit nug anam hewowa, nug nai oo doyak ele Saul, nug bekka Jonatan ele dilahnu mattiom.

2 Samuel 2:11

Ag nug dim lamittegeg, Dawit nug Hebron appa maɗ eblaih aɗit, kalam eblaih laippu ele Juda dilag king dayom.

2 Samuel 5:3

Ag anam aeg, Israel dilag ikki danab oh ag King Dawit gumidna, Hebron uɗieg, nug he, ag nug ele Hebron appa, Yawe noobppa nug tituanna, nai qagappig. Ag nug tituanna, nai qakkan, ag Dawit, nug Israel oh dilag king daakkunu goɗen gokkaɗakppa tituanppig.

2 Samuel 5:5

Nug tatam king ba dayom amu, nug Juda dilagib king dayom. Nug digma, king daye ukke, nug maɗ eblaih aɗit, kalam eblaih laippu ele Hebron appa dayom. Amu dimppa nug Israel oh dilag king digma dayeye, maɗ 33 dayom. Nug Jerusalem appa dayaya, amu heum.

1 Stori 6:57

Israel ag aab amu aab ikki Kohat madappig amunu, Aron buɗub ag ahilag aab laa am Hebron. Hebron am ii doyaya laa qe mauhomnu ehanittak aab okkai aakku. Aria, aab laala Kohat buɗub ⌊Israel dilag huu okkai Juda, Simeon ele wanppanu⌋ aoppig am Lipna, Jatir, Estemoa,

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

Nehemaia 11:25

Amu Juda danab ah ag aab laalappa daappig ele, aab ag appa, ahilkad wan guguittak daappig ele am inam: Kiriat Arba, aab naunau aab amu talilidtteb ele, Dibon, aab naunau aab amu talilidtteb ele, Jekabsel, aab naunau aab amu talilidtteb ele.

Jeremaia 22:10

Ag King Josaia mauhom amu, ag nuhignu aib gaappig, aib mahippig. Ag amu ii hemana, amge ag Jehoahasnu, kekeɗ ag uɗin aon ukkaeg, nug wan laappa diia ukka laih me dayak danab daatte, ag nuhignu huan gayeg! Aɗinu? Nug eɗua iinab uɗima. Nug baula nuhig wan ii anidma.

Jeremaia 22:18

Josaia bekka Jehoiakim, Juda dilag king nug anam hette amunu, Yawe Nug nuhignu inam atte. “Danab ah ag nuhignu ii mahimna. Ag akka akka inam ii amana. ‘O da awal, gadonnab gadon. O da appinal, gadonnab gadon.’ Ag nuhignu ii mahimna. Ag akka akka inam ii amana. ‘O dahil okkai, gadonnab gadon. Nug danab ɠagattag okkai naɗi ele daye, dahil okkai daya, mauhom. O gadonnab gadon.’ Ag anam ii amana.

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Namba 20:29

Haen aa qaukoppanu neya, Aron mauhomnu Israel danab ah amelagppa aeh, Israel danab ah oh ag deɗ 30, nug mahittak heppig.

Jon 11:31

Aria, Juda ag Maria ele lakka appa nug oo ena daakkunu daappig ele, haen ag nug pahanab aha dimittim ukke anidna ag, “Nug Lasarus mahidkkunu matmatppatai gokkunu gotte” ana, ag ahan Maria dim lamidna goppig.

Jon 11:35

Anam aeg amu Jesus gayom.

Duteronomi 34:8

Israel danab ah ag deɗ 30 oh Moap atu uɗemppa, appa Moses mahidnana daappig. Ag ahilag kobol dim lamidna, nuhig mahittak heeg ukke, amu haen malakkunu te, ag malappig.

Josua 10:39

Josua, nuhikkud daup ele ag aab okkai amu eɗadna, ag aab okkai amunu king ele eɗittona, ag aab naunau talilittak daappig ele eɗadppig. Israel ag Debir aqona, aab naunau talilittak daappig ele qep elabppa aqappig. Israel ban danab ag danab ah oh Debirnu, amu aab naunau talilittak daappig, appanu oh am ag heeg, ag Yawenuib nuhig pelemppa daappig. Ag laippu laa ii uueg, hamu dayom. Ag aab Debirnu, Debirnu kingnu ele amu, ag aab Lipna, am Lipnanu king ele, aria aab Hebron am Hebronnu king dilagppa heum bia, ag Debir, am nuhig king eleppa heppig.

Josua 15:13

Yawe Nug Josua amegppa Juda dilag wan laih laa Jepune bekka Kalep medakkununab aum. Nug anam aum amunu, Josua nug Kalep Aab Kiriat Arba amuam Hebron mettom. Arba am Anak alag anukkanu.

Josua 15:54

Humta, Kiriat Arba, onig laa Hebron, amu Sior ele. Aab amu oh ebaqak am eblaih waɗele. Aab amu taliliattak aab naunau daappig amu, ag amu ele madappig.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 21:11

Ag aab Kiriat Arba, onig laa Hebron, Juda wanppa qauko qauko daattebppa dayom amu, ag aab amu, amu aab amunu gikkiɗah dad okkai ele madappig. Arba amu Anak mameg.

Ikki Danab 1:10

Amu Juda ag banelag gona, Hebron, anukkan onig am Kiriat Arba amu, ag appa noeg, Kanan danab ag appa daappig, ag ag ele ban heppig. Hebron appa amu ag Sesai, Ahiman amu Talmai ele, ag ag, ahilkad ban daup ele eɗadppig.

1 Samuel 20:31

Haen oh Jesi bekka wan imuppa dayebeb, na, nahip ɗo maɗoɗ ele am ɠagattag ii daama. Anam amunu, na gona, nug omalppe ippa uɗiaɗ! Aɗinu? Nug mauhkkuoitte!” awa aum.

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

1 Samuel 28:3

Haen matu Samuel mauhe, Israel ag nuhignu qanana, appag diigppa Rama boumppig. ⌊Amge haen Samuel ii mauhom dayeye,⌋ Saul nug he, mauhak ele gamag danab, amu mauhak ele mattiak danab ag Israel wanppa ii daappig.