Genesis 21:7 - Nobonob Baibel

⁷ Sarah nug anam ana, nug baula aum. “Danab aun laa nug anukka Abraham amegppa inam alo? ‘Na waat nug nahip nid menua, huh medakku?’ Amge keeke amu genab beum. Aɗinu? Abraham nug kaino dayeye, da nid danab nuhig menumi,” awa aum.

Genesis 21:7 Iomraidhean Croise

Genesis 17:17

Kayak Nug anam a amu, Abraham laippun gateg qaun o, gomela, iɗu wanppa ma dayaya, nug nukka imaama, ooppa aum. “Danab laa nug maɗ 100 ele dayaya amu, nug nid danab aokkute? O Sarah nug maɗ 90 ele dayaya amu, nug nid menukkute?” ooppa aum.

Genesis 18:13

Ime amu, Yawe Nug Abraham amegppa aum. “Aɗinu Sarah nug ima, dabmakppa, ‘Da kaino memi, attem da nid aokkul,’ aum?

Genesis 21:8

Anam a dimppa Aisak nug ena me, Sarah nug huh aɗitte, deɗ amuppa Abraham nug hobul okkai heum.

1 King 11:20

Aria aa nid danab menuya, nug onig Genubat ataɗpiɗ. Amu kuin Tapenes nug Genubat awa, kingnu lag enanagnab, appa Paro bekkod, nid danab amu ele oh gumadttom.

1 King 3:21

Aria, da buttua ahe, nid dahil huh medakkulnu hemi, amge da anidmi, nid amu mauhom. Aakku da baula nid amu pehetten itale anidmi; nid amu da ii menumi,” awa aum.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Sam 86:8

O Naɗi, kayak laa na bia laa iitta. Na danab keeke hekkunu elele iitta hettem, amge ag am anam iitta.

Aisaia 49:21

Haen amuppa ag Israel, ag akka akka oolagppa ag akkulag. ‘Aun nid imu oh dahilad menuattom? Da uug naunab nauppa dayeye, ah gamu iitta bia daami. Da am diia ukka, laih me dayak danab piɗe, wan laappa daami, laa oh dahilnu, “Am nau,” dooppig. Aun he, nid imu oh ena meppig? Da piɗe dakkanab daami amunu, imu amu, ag adeppan uɗippig?’ aon akkulag.” Yawe Nug anam atte.

Aisaia 66:8

Laa nug ah ii guittette nid awomnu nai laa doyomte? Ge laa nug ah ii guittette, nid awe anttomte? Amubia danab ah ag gemu huu laippu ahilag wanppa ii daatteb amu, ag deɗ laippuppa eɗun, huu laippu ahilag wanppa daaglagnu elelete? Ag deɗ laippuppa eɗun, kantri laa bena daaglagte? Amu iitta, amge ⌊anam bekku. Yawe Nug⌋ Sion ⌊ehanidkku⌋ amunu, ah nug digma nakoknabib guittak doyaya, nid aotte, amubia Juda danab ah ag eɗun, huu ahilag wanppa daaglag.

Jeremaia 20:15

Danab nug nai awa ukka, da mamel amegppa, “Ah nahip nid menuom. Na aakku bekkat ele!” a, da mamel nug gamag ahak okkai doyom amu, danab amu nug ele eheɗ laa awaknu anak waappa dayaɗ!

Namba 23:23

Emaɗ hak laa Jakop buɗub qeeb nekkunu elele iitta. Ao, eman laa Israel danab ah aqakkunu elele iitta. Danab ah laa ag Yawe Nug Jakop buɗub, am Israel danab ah ele amu, Nug amu dilagppa hette anidna, ag akkulag. ‘Kayak heum umu antteg!’ aon akkulag.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

2 Tesalonaika 1:10

Deɗ amuppa amu, Naɗi Nug uɗieb, nuhikkud danab ah oppiaawak ele ag Nug binag amahalak oppiaawak ele mettaglag. Ge, danab ag oolagppa genab dootteb ele, ag nuhignu enanagnab dooglag. Ag Tesalonaika daatteb, ag ele huu amuppa daaglag. Aɗinu? Ag ihinig nai Jesusnu mattimut amu, ag amu oolagppa genab dooppig.