Genesis 2:4 - Nobonob Baibel

^4-6 Digmakppa Yawe Kayak Nug hab wan ele haate, amu dimppa aɗi beumnu kaya am iikku. Yawe Kayak Nug hab, wan ele haatom, haen amuppa amu, wanppa keeke laa ba ii dayom. Aɗinu? Gu nekkunu amu, Yawe Kayak Nug he ii neum, amu danab laa ele wan bappaidkkunu ii dayom. Amge le wan ooppanu baaba, wan leppu medattom.

Genesis 2:4 Iomraidhean Croise

Genesis 1:1

Digmak haenppa Kayak Nug hab, wan ele heum,

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 1:3

Boppala dayeye, Kayak Nug, “Amahlak baɗ!” awa aum. A amu, amahlak aakku beum.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Genesis 1:4

Be amu, Kayak Nug amahalak amuam ena antta, Nug amahlak nug nuhig haenppa dayebeb, gatatu ele nug nuhig haenppa daakkunu ahilah haen piɗe piɗe otiom.

Genesis 10:1

Le hiɗ dimppa Noa bekkod Sem, Ham, Japet ele ag ele nid menuadppig, amu ag buɗulkad am inam.

Genesis 11:10

Sem buɗub amu inam. Le hiɗ iitta me, maɗ aɗit uue, Sem nug maɗ 100 dayeye, nug bekka onig Arpaksat doum.

Genesis 2:3

Nug anam ha amu, deɗ amu Kayak Nug tituana, ititta, nuhig tituanak daakkunu meum. Aɗinu? Nug uɗat oh he ukke, malak dayeye, Nug hik awom.

Genesis 25:12

Anukka Sarahnu maɗi ah Hagar, Isipnu, nug Abraham bekka Ismael menuom amu, nai imuam Ismaelnu nai.

Genesis 25:19

Imuam Abraham bekka, Aisaknu nai. Abraham nug Aisak mameg, amu

Genesis 36:1

Aria Esau, onig laa Edom, nug buɗub amu inam.

Genesis 36:9

Esau nug Edom danab alalag, amu nug Seir wan, laih qauko qauko ele, amuppa dayom. Nuhig oiyaknu nai am inam.

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

2 Stori 20:6

nug inam aum. “O Yawe, ig mamenkad aɗi dilag Kayak, na hab attan daattem. Na wan anen anen dilag okkai daattem. Ɠagattag oh na eppenppa daatte. Na ebehin ele. Auntai laa nug na eɗidkkunu elele iitta.

Job 38:28

Aun nug gu mameg daatte? Ge, aun nug baito mameg daatte?

Job 38:4

Da wan daakkunu ukku bappaidmi amu, na haen amuppa adeppa daame? Na da amu attem attem hei beum doottem dayeb amu, na appe dookkul.

Sam 18:31

Yawe Nug anam daatte amunu, Nugib Kayak daatte. Kayak laa ii daatte. Ao, ihinig Kayak Nugib am kekeɗ nikkamanu ehanittak ihinig daatte. Laa nug amubia ii daatte.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Eksodas 15:3

Yawe Nug am ban daup ɠagattagnab; Nug onig am Yawe.

Eksodas 6:16

Am Lewi, ⌊Nug Jakop bekka Simeon dimugppan amu,⌋ nug maɗ 137 daya, nug mauhom. Nug bekkod onilag bukppa yaak dayom am Gerson, Kohat, Merari ele. ⌊Ag buɗulkad onilkad am iikku.⌋

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Revelesen 11:17

Binag menana appig. “O Naɗi Kayak Nakka Ɠagattag Oh Ele, na gemu daattem, anukka ele daame. Na aakku ɠagattag okkai nahip oh eɗun aon, King daattem amunu, ig na amenppa, ‘Ena heme,’ aot attem.

Revelesen 16:5

Tiig eɗue amu, da leppan gumak engel laa nug inam Kayak amegppa aawo doomi. “O Kayak, na gemu daattem, anukka ele daame. Na oppiaawak. Na haen imuppa danab nau heppig ele, na ag epeɗiadna, tutukku hena, nob imu madattem.