Genesis 19:5 - Nobonob Baibel

⁵ Lot onigppa ena appig. “Danab aɗit gemu uɗipiɗ amu, aa adeppa daattep? Na aa omalatna dimittim doppe, ig aa ele gappai aotu!” aon appig.

Genesis 19:5 Iomraidhean Croise

Genesis 19:6

Ag anam aeg amu, Lot nug ag ele nai mattiglagnu dimittim noa, od manowa,

1 King 14:24

Juda ag anam henana, ag kobol nau digdig ele heeg beum. Kobol nau amu laa naunab ele am, danab laa ag kayak hambuppuak dilag mettid lag nakok, ag amuppa danab danab ele gappai aɗaglagnu daan heppig. Juda ag wan anen anennu danab ah, Yawe he, Israel ag lamadppig ele, ag amu dilag kobol, Yawe Nug kobol amunu ooppa uuaknab dootte amu, ag kobol amu dim lamidppig.

1 King 22:46

Anukka Jehosapat mameg Asa nug danab ag kayak hambuppuak mettid lag nakokppa danab danab ele gappai kobol heppig amu, nug ag lamattom. Amge laala ag daaegeg, Jehosapat nug amu oh he, ag tuɗidna appa ii daappig.

Aisaia 1:9

Anam amu, Yawe Nukka Ɠagattag Oh Ele, Nug ihinkad danab ah laib laib he daatteb. Nug anam ii helo amu, geha ig oh Sodom danab nauhppig bia nauhlom. Ao, Nug anam ii helo amu, ig Gomora danab padal meppig bia padal melom.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 6:15

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Da bu eheɗ madappi, ag nena qekkulag,” awa atte.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Esekiel 16:50

Ag dada ha laa eɗittaknu dabmak awak kobol hena, ag kobol digdig, da kobol amunu oolppa uuaknab doottem, ag kobol amu ele heppig amunu, da hei, ag padal meppig. Da hei, ag padal meeg, na amu anidna doottem.

Esekiel 16:51

Amu na apan Samaria, nug genab hipunin heum, amge nahip hipunin hak am nuhig eɗitta auta autanab aotte. Na apan, makkep ele aa kobol digdig, da kobol amunu oolppa uuaknab doottem, aa kobol amu hepiɗ, amge na kobol digdig, da kobol amunu oolppa uuaknab doottem, na kobol aa hepiɗ eɗitta auta autanab aotte ele, na kobol amu digdig heme. Aa nau hepiɗ; na naunab nau heme, gemu ele hettem amunu, danab laa, ag ahilag dabmakppa, ahilag neekkakppa amu, ag na makkep, na apan ele aa am ah ena bia, na am ah nau anidkkulag.

Lewitikas 18:22

Ag aib danab danab ele gappai aoppig. Kayak nug hipunin amunu ooppa uuaknab dootte.

Lewitikas 20:13

Am danab laa nug danab laa ele, ah danab ele niittep bia niiglah dayeb amu, ag aqatppeg, aa oh mauhkkulahoitte. Aa kobol laa, Kayak Nug amunu ooppa uuaknab dootte amu hepiɗ. Am aa beɗulahppa ag aqatppeg mauhkkulah.

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,

Duteronomi 23:17

Israel danab o ah laa, nug laa ag ib baag ah, o ib baag danab ag ahilag kayak hambuppuak laulkadppa daan, ahilag uɗat hetteb amu, ag Israel, ag oolagppan laa nug amubia aib dayom.

1 Timoti 1:10

am laa ag ewau pakkun gappai hetteb dilagnu, am laa ag danab danab o ah ah ele gappai hetteb dilagnu, am laa ag danab laa yabhok hippaladna dadennu maadtteb dilagnu, am laa ag nai hambuppuak danab dilagnu, am laa ag hettoɗiakppa hambuppunna, “Genab iikku attem,” aon atteb dilagnu, amu laa ag keeke laala amubia, keeke amu oh am ippunittak nai genab ena elenu kekeɗ daatte, danab ag amu hetteb ele amu, ɗo nug danab amu dilagnu daatte.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

2 Pita 2:2

Am ele, geha danab laa kuɗum ag danab amu, ahilag kobol nau aon dim lamidkkulag amunu, danab kuɗum laa ag ib genabnu nai nau akkulag.

2 Pita 2:7

Kayak Nug haen amuppa Lot, nug am genab tutukku hak danab, nug nai tappe nak danab dilag kobol eheɗnabnu ameg bahi yom ele amu, Kayak Nug nug nauhmanu ehanittom.

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.

Ikki Danab 19:22

Ag daanna, gamag ahak doon, nug gamag aon heegeg amu, nau hak danab laa aab okkai amuppanu, ag lag eidna talilidna daanna, ag digmena od huanaknab qeqalnana, danab kaino, lag amu mameg, ag nug onigppa eppig. “Na danab uɗie, na ele daattep aon doppe, ig nug ele gappai aotu!” anana eppig.