Genesis 18:1 - Nobonob Baibel

¹ Amu Abraham nug Mamrenu ad ok gukkuattak dayeye, Yawe Nug gumitta neum. Haen amuppa Abraham nug aam anig nug peh lag nuhig odppa dayaya,

Genesis 18:1 Iomraidhean Croise

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 14:13

King amu ag anam heeg ukke, Abram nug am Hibru danab amu, haen amuppa nug Mamrenu ad ok gukkuattak dayom. Dayeye amu, Amo danab onilag Mamre, Eskol, Aner ele, ag am eamakkud amu, ag Abram ele nug tituanak ena daanna oidppig. Anam daaegeg amu, bannu oolak danab laippu nug Abram gumitta ukka, nug amegppa aum. “Ag Lot aɗi ele diiadna goppig,” awa aum.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 17:22

Aria, Kayak Abraham ele nai mattiya malaya amu, Kayak Nug uuitta, eɗua teum.

Genesis 18:22

Yawe anam a amu, danab aɗit laa aa ahaya, Sodom gokkulahnu ukkaeheh, Yawe Nug Abraham ele daapiɗ.

Genesis 20:1

Dimppa Abraham nug dayomppanu aha, wan atu onig Negeb ukka, aab aɗit onilah Kades, Sur ele gamalahppa oiyom. Oiya ukke, deɗ laa aab laa onig Gerar, appa nug wau ele goya, aben amuppa daapiɗ.

Genesis 26:2

Nug Gerar dayeye amu, Yawe nug Aisak gumitta na, amegppa aum. “Na Isip aib gome. Da na wan adeppa daakkutnu appi amu, na amuppa daakkut.

Genesis 35:27

Aria, Jakop nug aha, nug mameg Aisak Mamre dayeye, nug nug gumitta noa dayom. Mamre am aab laa onig Kiriat Arba guguittak dayom. Kiriat Araba onig laa am Hebron. Anukka Abraham, Aisak ele Hebron appa daadpiɗ.

Genesis 48:3

Dayeye, Josep nug gumitta wa, Jakop nug aum. “Kayak Nukka Ɠagattag Oh Ele Nug Kanan wanppa aab laa onig Lus, appa gumiɗa na itiɗa,

2 Stori 1:7

Solomon nug anam he, tuqan amuppa Kayak Nug Solomon gumitta noa, amegppa aum. “Na aɗi keeke da medakkulnu oot hette amu, na appe doyei!” awa aum.

Eksodas 4:1

Kayak Nug anam a, Moses Nug amegppa inam aum. “Amge Israel ag dahil nai dooglagnu uuglagtai, oolagppa ele genab iitai dooglag. Da nai mehuqkkul amu, aria ag geha inam akkulagtai. ‘Na hambubuttem. Yawe Nug na gumitta ii neum.’ ⌊Ag anam akkulagtai amunu, ag anam appeg, geha da attem hekkul?⌋” awa aum.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Hibru 11:9

Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.