Genesis 17:12 - Nobonob Baibel

¹² Buɗub buɗub doobob, nid danab, ag anilkad ag laulkadppa menuadkkulag ele amu, deɗ eblaih ewamppa ag gaɗa otaɗak aoglag. Amu wan laihnu danab, ag ele tiilag laippu iitta, ag daden maadna diiglag amu, ag ele gaɗa otaɗak aoglag.

Genesis 17:12 Iomraidhean Croise

Genesis 17:23

Kayak Nug eɗua te, Abraham nug deɗ amuppa Ismael, danab ag nug laugppa daappig ele amu, nug Kayak aum bia ag gaɗalag otaɗattom. Danab oh ag anilkad ag nug laugppa menuadppig, amu danab atu laihnu ele nuhig men doɗoppa diiak, nug ag oh gaɗalag otaɗattom.

Genesis 21:4

Aria, deɗ eblaih ewamppa Abraham nug Kayak hekkununab aum bia Aisak gaɗa otaɗom.

Eksodas 12:44

Begbeg maɗi nid ahilkad, laa maatteg ag daden matteg, ahilag uɗat hetteb ele amu, ag ag gaɗalag otaɗppeg, aria ag am ee amu lakkulagnu elele,

Eksodas 22:30

Ag makau dawai, amu sipsip dawai tatamnu ele anamib meɗeg! Makau nag dawai, o sipsip nag dawai nug anig ele deɗ eblaih aɗit ele daapeɗ, aria deɗ eblaih ewamppa amu, ag aon qena, main meɗeg!

Lewitikas 12:3

Deɗ eblaih ewamppa amu, nid nug gaɗa otaɗak daakkuoitte.

Luk 1:59

Amu deɗ eblaih ewamppa ag nid gaɗa otaɗkkulagnu gona, ag nid amu nug mameg onig Sekaraia oela qettaglagnu appig,

Luk 2:21

Dimppa, deɗ eblaih ewamppa, amuam nid nakok gaɗa otaɗaknu deɗ amu, anig mameg ele aa Nug onig Jesus ataɗpiɗ. Nug anig ooppa ii dayeye, engel nug onig amu akkulagnu aum.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Rom 2:28

Amu danab laa nug beɗuppaib Juda daatte, nug amu Juda danab genab iitta. Amu gaɗa otaɗak kobol amu beɗuppanuib kobol iitta.

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.