Genesis 14:1 - Nobonob Baibel

¹ Haen amuppa Sinar dilag king onig Amrapel, Elasar dilag king onig Ariok, Elam dilag king onig Kedolaomer amu Goim dilag king onig Tidal ele,

Genesis 14:1 Iomraidhean Croise

Genesis 10:10

Nimrot nug Sinar wan gumom. Wan amuppan aab okkai anuqak waɗele onilag am Babilon, Erek, Akat, Kalne ele.

Genesis 10:22

Sem bekkod am Elam, Asur, Arpaksat, Lud, Aram ele.

Genesis 11:2

Aria, ag anam daan oinna, kaɗag uɗitteppanu gonana, ag uɗem, Sinar wanppa daatte, ag amu anidna, amuppa daadppig.

Genesis 14:9

Daaegeg, Elam dilag king Kedolaomer, Goim dilag king Tidal, Sinar dilag king Amrapel, amu Elasar dilag king Ariok ele, ag, ahilkad daup ele, ag ele oolnu noak okkai onig Sidim, appa ban hekkulagnu goppig. King waɗele ag king tanig ele, ag ag ele ban hekkulagnu daappig.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 22:6

Elam wanppan ban danab ⌊ag baelagppa oinna ban hetteb amu,⌋ ag ban, lat aɗualadppeg, ⌊appan ban danab laa, ag⌋ bannu karis attan daan, ban hetteb, laa ag hos attan daan, ban hetteb ele amu, ag ele oh ban hekkulagnu uɗiglag. Ag uɗippeppeg, Kir wanppanu ban danab ag guppiɗ mawadna, ban hekkulagnu uɗiglag.

Aisaia 37:12

Da mamelad aɗi ag Asiria dilag king daappig amu, ag henan, wan kuɗum eɗadna heeg, nauhna autna aoppig, wan amunu kayak laa nug ag ehanatte ena daappigte? Iitta! Wan amuam Gosan, Haran, Resep, amu Iden danab ag Telasar daappig.

Jeremaia 25:25

Amu dimppa amu, da kap amu Simri, Elam, amu Midia dilag king ele mattai laeg,

Esekiel 32:24

Elam, nuhikkud daup huanaknab oh ele ag mauhak daatteb, aben amuppa daatteb. Amu oh ag qep elabppa mauhppig. Ag oh ag bau dayak wanppa daan heeg, laa ag baɗak eheɗ nau dooppig amu, amu oh ag moɗppa nona, iitta aɗi mauhak daatteb, ag appa goppig. Ag laa ag laa eɗadna, akka akka binalag mewona, uɗa nak aon, moɗppa noppig amu, ag amunu uɗa nak ele maon nona, appa nona daatteb.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Sekaraia 5:11

Da anam oɗ mettai, nug da amelppa aum. “Aa kaleg amu aoya, Babilon wanppa gottep. Appa qinob lag laa babaittak dayeb amu, kaleg amu lag amuppa nuhig abenppa meppeg daakku,” awa aum.

Josua 12:23

Dor dilag king, aab okkai Napot Dor, appanu, amu Gilgal appanu Goyim dilag king ele.