Genesis 13:11 - Nobonob Baibel

¹¹ Antta amu, Lot nug Jodannu uɗem, amuppa nug daakkunu tituanom. Jodan uɗem am, aa daapiɗppanu, kaɗag uɗitteppanu dayom amunu, Lot nug laih appa gokkunu ahom. Nug Abram ele aakku laippu ii daapiɗ.

Genesis 13:11 Iomraidhean Croise

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Genesis 13:12

Aa otiya amu, Abram nug Kanan wanppa dayeye, Lot nug Jodan uɗemppa, aab okkai daappig oolagppa dayaya oiyaya ukka ukka, Sodom guguittak peh lag nuhikkud qappalattom.

Genesis 13:14

Lot nug Abram uuitte ukke, amu dimppa amu, Yawe nug Abram amegppa aum. “Na hippaidna, kaɗag, qaban, yawalti, yau ele uɗittebppanu neegna, wan imu oh antte!

Genesis 13:9

Wan okkai niitte amunu, i aben laippuppa ii daamɗa. Na amen humana, neegppe ukkeb, atu oh antte! Anidna amu, na nanehppa gokkut, da naɗiap-ppa gokkul. O iitta, na naɗiap-ppa gokkut amu, da nanehppa gokkul,” awa aum.

Genesis 19:17

Omaladya dimittim noya amu, engel laa nug aum. “Ag padal memanade, ag oolna ukkeg! Aib eɗun neegppig. Ag qaukoppa ukkeg! Uɗemppa aib daappig! Ag qaukoppa ii gokkulag amu, ag padal mekkulag,” awa aum.

Sam 119:63

Aun laa nug nahipnu ebehi oh bodoetta le mette, nug am da layal. Ao, aun laa nug nahip oo yaak nai ɗo bia, nug nai amu dim lamidtte, nug am da layal.

Sam 16:3

Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.

Prowerb 27:10

Na layap aib daut atiom, na mamen layag ele aib daut atiom. Ao, uug naunab nahip-ppa beeb, na layap mudippan laippu, nug eheɗ doomanu na nug uun, na awan o amap uma daatte, na nug laugppa aib gome. Mudippan laippu miag daatte nug na ehanidkkunu elele; nug na baenadppa uma daatteb eɗattak ehanidkku.

Esekiel 47:18

Amu Israelnu kaɗag uɗitteppanu tom am inam daakku. Tom amuam Hauran, Damaskus ele gamagppa digma ukka, yau uɗitteppanu ugakka, Jodan le dim lamitta ukka, aab onig Tamar, Mauhak Le guguittak daatte, aguppa batakku. Jodan le laih Gileat wan daatte, laih am Israel wan. Amuam Israel dilag tom, kaɗag uɗitteppanu aakku.

Hibru 10:25

Amu ig laala ag hetteb amubia ig Kristen lainkad ele qagmak laippu haknu kobol ii uumta. Iitta. Ig qagmetata, lainkad oolag ɠagattag aqatu! Ig Kristusnu deɗ miag doum daatte anidttem amunu, ig uɗat amu tuɗidta huana hetu!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!