Genesis 13:10 - Nobonob Baibel

¹⁰ Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Genesis 13:10 Iomraidhean Croise

Genesis 11:27

Tera buɗub am inam. Nug bekkod am Abram, Nahor, Haran ele. Haran bekka am Lot.

Genesis 13:11

Antta amu, Lot nug Jodannu uɗem, amuppa nug daakkunu tituanom. Jodan uɗem am, aa daapiɗppanu, kaɗag uɗitteppanu dayom amunu, Lot nug laih appa gokkunu ahom. Nug Abram ele aakku laippu ii daapiɗ.

Genesis 13:9

Wan okkai niitte amunu, i aben laippuppa ii daamɗa. Na amen humana, neegppe ukkeb, atu oh antte! Anidna amu, na nanehppa gokkut, da naɗiap-ppa gokkul. O iitta, na naɗiap-ppa gokkut amu, da nanehppa gokkul,” awa aum.

Genesis 14:2

ag ahan, Sodom dilag king onig Bera, Gomora dilag king onig Birsa, Atma dilag king onig Sinap, Seboim dilag king onig Semeber amu Bela dilag king ele, ag amu oh ele ban hekkulagnu goppig. Bela onig laa am Soar.

Genesis 14:8

Aria, ag ban amu oh hena malaeg, Sodom dilag king, Gomora dilag king, Atma dilag king, Seboim dilag king, amu Bela, onig laa Soar, amu dilag king ele, ag, ahilkad daup ele ag oolnu noak okkai onig Sidim, ag appa gona, bannu keeke bapaidna daappig.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Genesis 47:6

Antte! Isip wan aakku daatte. Isip wan laih adekku am enanagnab amu, na appe, ag appa daaglag. Ag wan atu onig Gosen appa ena daaglag dayeb amu, ag appa dayeg! Amu laa ele, laa ag oolagppanu doɗ gumattak uɗat tutukku dootteb ele amu, na appe, ag doɗ dahil gumadkkulag,” awa aum.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

1 King 7:46

King Solomon nug Huram amegppa keeke amu oh le Jodannu oolnu noakppa amunu dottolkad waa haknu wanppa hewowa, amuppa keeke amu oh hadakkunu a, nug appa dayaya, keeke amu oh hattom. Nug aab aɗit Sukot, Saretan ele gamalahppa, uɗem amuppa nug uɗat amu heum.

Job 40:23

Le ui o, nug doya, ottaia ii baɗatte. Ge, Jodan le ui ob, le huanak nug oɗeppa ukkeb, nug ɠagattag doya daalo; eheɗ laa ii doolo.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 51:3

⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Jeremaia 48:34

Uug okkai beeb, da heppi, le Nimrim ele qaɗaiedakku amunu, danab ah Hesbonnu, Elealenu ele ag baɗan eppeg, danab ah Jahasnu ag doon, Soarnu ele doon, danab ah aab laa uma daattep, Horonaimnu am Eklat Selisianu ele amu, ag dooglag.

Esekiel 16:46

Na apan am Samaria, nug nahipnu yawalti uɗitteppanu aɗekkud ele daappig. Na makkep am Sodom, nug nahipnu yau uɗitteppanu aɗekkud ele daappig.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Esekiel 28:13

Na daameppa am dad laa onig Iden, Kayak eppom, amubia. Na beɗun bala ele daakkutnu na hanhan men daden nob okkainab eleppa bala medattame. Men digdig amuam men rubi, men topas, men emeral, men krisolait, men oniks, men jaspa, men sapaia, men tekois, men beril ele. Danab amu heppig ag gol aon, bala hena, men amuppa qattaqeppig. Deɗ da Kayak, da na heitti beme amu, deɗ amuppa bala amu oh babaittak dayom.

Esekiel 31:8

Amu Kayaknu dad, appa ad sida laa ad sida okkainab meum bia laa ii dayom. Ad pain ebekkud, ad plen ebekkud ele am elabnab, amge ad amu ebekkud am ad sida amu ebekkud bia laa iitta. Ad oh Kayaknu dadppa daappig ele, ad amu oolagppan laa nuhig neekkak enanagnab, ad amubia laa iitta.

Esekiel 31:9

Da Yawe, da hei, ad amuam neekkak nuhig enanagnab dayom. Da hei, nug ebekkud am qataiettak, elab elab ele dayom. Ad laa oh Iden, Kayaknu dad, ad laa oh appa daappig, ad amu ag am danab daaloblob, ag ad amu anidna, amelag qeeb oolag elele ii daalo.’ ” Yawe Nug anam aum.

Esekiel 47:18

Amu Israelnu kaɗag uɗitteppanu tom am inam daakku. Tom amuam Hauran, Damaskus ele gamagppa digma ukka, yau uɗitteppanu ugakka, Jodan le dim lamitta ukka, aab onig Tamar, Mauhak Le guguittak daatte, aguppa batakku. Jodan le laih Gileat wan daatte, laih am Israel wan. Amuam Israel dilag tom, kaɗag uɗitteppanu aakku.

Joel 2:3

Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.

Duteronomi 34:3

Nug Negeb, amu Jodan oolnu noak ele ippunittom. Jeriko amu Jodan oolnu noakppa daatte. Aab amunu amu, ag Pamnu Aab atteb. Nug wan amu oh ukka, Soar batak ippunittom.