Genesis 12:3 - Nobonob Baibel

³ Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 12:3 Iomraidhean Croise

Genesis 18:18

Abraham buɗuppud kuɗum, ɠagattag ele bekkulag. Wanppan wan ohppan danab ah ag nuhigppa itittak ena aoglag.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 25:11

Abraham mauhe, Aisak, nug Ber Lahai Roi guguittak daye, amu Kayak nug itittom.

Genesis 26:29

Haen na ihinig wanppa daame amu, ig nahip-ppa eheɗ laa ii hemut. Ig nahip-ppa kobol enaib heta, dimppa uug be, ig heut, na maɗoɗ ele ahan uɗime. Amu tituanak nai am inam. Ig nahipnu hemut amu, na ihinignu anamib hekkut,” aon appig. Ag amu awona, ag appig. “Gemu Yawe na itidtte,” appig.

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Genesis 28:14

Na buɗunad ag wan gappud bia appatna, wan aben imuppanu qaban uɗitteppanu daatte, wan kaɗag uɗitteppanu daatte, wan yawalti uɗitteppanu daatte, amu wan yau uɗitteppanu daatte ele aoglag. Aoppeg amu, wan laa ohnu danab ag na, na buɗunadppanu ele itittak ena aoglag.

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 30:30

Na amu doottemnu diig am, anukka na enun kuɗum iitta, amge dahil uɗat ohppa Yawe Nug ititte, na gemu enun kuɗum ele daattem. Anam aakku, amge gemu dahilnu am attemun? Da ganeb dahilad dilagnu keeke digmein aokkul?” awa aum.

Genesis 39:5

Potipar nug nug laug, nuhikkud keeke laa oh Josep eppegppa me, haen amu dimppa Yawe Nug Josep beɗuppa Potipar itittom. Nug Potiparnu keeke oh, laugppanu, dad okkaippanu ele ititte, ena beppig.

Sam 72:17

Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.

Eksodas 23:22

Amge ag nai nuhig pehettaknab doon dim lamidna, keeke oh da ⌊nug oɗeppa⌋ akkul bia hekkulag dayeb amu, aria da geha kekeɗ ahilagnu kekeɗ daappi, laa ag ahilag ib oo nekkulagnu hetteb ele amu, da ahilag ib oo nekkul.

Namba 24:9

Israel danab ah ag amu laion laa bia; laion nug doɗ laa qa lawowa amu, nug niitte. Ao, Israel danab ag amu laion anig bia. Danab oh ag laion anam niieye maɗettaknu baɗatteb, amubia danab oh ag, ag Israel, ag ahilagnu anam dootteb. Auntai laa nug aɗalatteb ahaglagnu am laa iitta. O Israel danab, danab laa ag ag itadtteb amu, ag itittak ena aoglagnu ool daatte. Ao, danab laa ag ag eheɗ laa awaknu anak waappa daaglagnu nai atteb amu, ag am eheɗ laa awaknu anak waappa daaglagnu ool daatte.” Balam nug nai anam aakku mattiom.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Rom 4:11

Nug gaɗa ii otaɗom, haen amuppa nug ooppa genab doye, Kayak Nug nuhignu, “Genab tutukku hak danab,” awa ana, Nug amunu epponak keeke daakkunu Nug Abraham gaɗa otaɗkkunu aum amunu, Abraham nug am danab oh, ag gaɗalag ii otaɗppig daanna, Kayaknu oolagppa genab dootteb, Kayak ahilagnu, “Genab tutukku hak danab,” atte ele amu, nug ag mamelag anuqak daatte.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Galesia 3:16

Aria Kayak Nug dimppa keeke ena bekkunu Abraham amegppa nai ana qakka, nug, “Da na buɗun ele nai ana qakkak iikku hettem,” awa aum. Nug Abraham, buɗub amu ele, ahilahnuib nai ana qakkaknu aum. Nug buɗub oh amelagppa ii aum. Iitta. Nug buɗub laippunuib amegppa nai ana qakkom, amu nid amu Nug am Kristus.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Galesia 3:8

Am Kayak Nug anukka iitta aɗi ag geha Nai Ena aona, ag oolagppa genab dooppeg, ahilagnu Nug, “Genab tutukku hak danab,” akkunu doya he, nai amunu nuhig naippa yaak daatte. Nug anam doyom amunu, Nug anukka Abraham amegppa Nai Ena mehuqa, inam aum. “Wanppan wan ohppan danab ah ag nahip-ppa itittak ena aoglag,” awa aum.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.