Genesis 11:3 - Nobonob Baibel

³ Anam daanna, ag akka akka inam madippig. “Ahappeg, ig wan aota, lekkoh kabolita, maipput eweb, keeke laa onig brik hetu!” Ag anam ana, ag amuppa brik hattana, ahilag simen am kol tar.

Genesis 11:3 Iomraidhean Croise

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Genesis 11:7

Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.

Genesis 14:10

Oolnu noak okkai onig Sidim, appa amu moɗ kolta ɗu bia kuɗum daappig. Aria Kedolaomer, nug laikkud king ewam ele ag banppa king tanig ele eɗadppig amunu, Sodomnu king, Gomoranu king ele aa oolya goya, ɗu amuppa neya qeya qettoɗpiɗ. Laa oh amu oolna, qaukoppa goppig.

2 Samuel 12:31

Amu Dawit nug ele he, aab amuppan danab ah ag uɗat ɠagattag, hebebppa, hal aenppa hak, soppa ele henana, ag brik, lag keeke haknu hadappig. Nug aab okkai amuppa anam ha, nug Amon dilag aab ohppa ele anam heum. Nug anam ha male, Dawit nug nuhikkud daup oh ele ag eɗun, Jerusalem goppig.

Sam 64:5

Ag kobol nau hekkulagnu, nug ɠagattag qedatteb. Danab ag mattiak oh laippu hena, ag doɗ aoglagnu pelem metteb bia henana, ag danab eheɗ laa ii heppig ele aqaglagnu maittak aotteb. Ag nug oɗ mettan atteb. “Aun nug ig anigkku?

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

Eksodas 2:3

Amge kalam ewam uue, haen nug nid amu lokkumeb daakkunu am elele iitta antta amu, nug kaleg laa papairusppa akkak, nug amu laa awa, nug gau hinqak ɠagattag diig aɗit awa, laittom. Laittowa, nug nid awa, kaleg ooppa ina, nug awa noa, Nil le daugppa qao ooppa me dayom.

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Eklisiastis 2:1

Anam amu, da dakka, da oolppa inam ami. “Da ahen, da aɗi kobol am ena anidkkulnu, da beɗul nug aɗi kobol digdig hekkulnu eeɗiltte amu, da hekkul,” ami. Da anam ain, aakku hemi, amge amu ele am gaɗappa, unuqagppa ele anttak laippu iitta anidmi.

Aisaia 5:5

⌊Iitta! Da amu oh elele hemi⌋ amunu, gemu da muɗi grep dad dahilppa keeke laa hekkulnu dabmemi amu, da ag amelagppa akkul. Gemu da dadnu aɗ keeke qaun ele eppak amu oadppi ukkeb, muɗi grep dad dahil am, doɗ ag wana, ee lanan daaglagnu aben daakku. Ao, da dadnu men aɗ aoɗppi neeb, doɗ ag dad ooppa nona, tappanna, ⌊ee lanan daaglag⌋,” awa aum.

Aisaia 65:3

Danab ah amu ag am hanhan da noolppanab eheɗ henana, ag datta appa doɗ main, kayak hambuppuak mattanna, ag qaɗab brikppa hak kalu danab ile muttuɗig enanag bette ele main, ahilkad kayak hambuppuak mattanna heeg, da oppoɗil bette.

Aisaia 9:10

“Kekeɗ ag ihinig brik lag amu loppaɗeg nena qeppig, ⌊amge ig amunu uug ii iqatte; am keeke hamu⌋. Geha ig men otaɗa babaittak aot, men enanag amuppa lag ɠagattag bau buuadkkunig. Ao, kekeɗ ag ad sikamo ihinkad ele oadppig ⌊amge ig amunu uug ii iqatte; am keeke hamu⌋. Ad sikamo daappig abenlagppa amu, appa ig ad sida eppaladkkunig,” aon akkulag.

Nahum 3:14

⌊O gadon, Niniwe danab ah, kekeɗ ag uɗin, oo mattan aqaknu maadna daaglag amunu,⌋ ag haen amunu le huanak itan, aon uɗieg! Ag waa haknu wan aon, brik haknu babaitteg! Ag aɗ bappaidkkulagnu brik heig!

Hibru 10:24

Amu ig lainkad dilag, ag danab laa dilagnu oolag mauhkkunu, kobol ena ele hekkulagnu maɗattagnignu, ig amu ele dabmetu!

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!

Jems 4:13

Aria, ag oolagppa danab laala ag, “Gemute o iitta buttite ig aab okkai laappa gota, maɗ laippu daatta, men doɗo mattiak uɗat hetat, men doɗo aognig,” aon atteb ele amu, ag doyeg! Amuam hambuppuak bia.

Jems 5:1

Gemu amu, ag danab enulag ele ag doyeg! Ahilagppa uug nau digdig bekkunu daatte amunu, ag dabmena gaanna huana heig!