Genesis 10:2 - Nobonob Baibel

² Japet bekkod am Gomer, Magog, Madai, Jawan, Tubal, Mesek, Tiras ele.

Genesis 10:2 Iomraidhean Croise

Genesis 10:1

Le hiɗ dimppa Noa bekkod Sem, Ham, Japet ele ag ele nid menuadppig, amu ag buɗulkad am inam.

Genesis 10:21

Sem, nug Japet awag amu, nug buɗub am Eber danab.

Genesis 9:27

Aria, da Kayak Nug heeb, Japetnu wan okkai bekkunu ool daatte. Ao, da Japet nug Sem ele aa laippu daayya oiglahnu ool daatte. Amu Kanan nug Japetnu begbeg maɗi nid ele daakkunu ool daatte,” awa aum.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Esekiel 27:19

Dan danab, Grik danab Usalnu ele ag nahip keeke daden meppig. Ag keeke ainppa hak, spais kasia, kalamus ele aon uɗin, amuppa nahip keeke daden meppig.

Esekiel 27:7

Ag hewona, ag linen lamen hakkab, Isip appa hena, kobol kobol koitak ele amu, ag lamen amu aon, ag nahip ulah awak lamen heppig; nahip pilak ele lamen amuppa dayom. Danab ah aam aqamanu lamen attan duqappig amu, laa am lamen ed, aria laa am perpel. Lamen amuam Elisa appa heppig.

Esekiel 32:26

Mesek, Tubal ele dilah daup huanaknab oh ele ag mauhak daatteb, aben amuppa daatteb. Amu oh am iitta aɗi danab, ag qep elabppa mauhppig. Ag wanppa bau daanna heeg, danab ah kuɗum ag eheɗ nau baɗappig amunu, laa ag ag qep elabppa aqaeg mauhadppig.

Esekiel 38:15

Na aakku amunu dabmekkut amunu, na appan diig, wan amuam yawalti uɗitteppanu uma daatte amu, na appanu ahan uɗikkut. Na wanppan wan kuɗum laa danab ehanidtteb ele amu, ag oh ahan uɗiglag. Ag oh hos attan daanna uɗiglag. Ag daup huanaknab. Ag ban danab bodok iitta.

Esekiel 38:2

“Danab bekka, Gog, nug wan onig Magog, appan danab, nug Mesek amu Tubal ele dilag gumattak okkai daatte amu, na nug neegna, uug beeb anidkkunu propet nai anana,

Esekiel 38:6

Daup laa ag nahipad daup ooppa ele daatteb am Gomer dilag daup oh, amu wan laa onig Bet Togarma, wan amuam yawalti uɗitteppanu uma daatte amu, wan amu dilag daup ag oh ele nahipad daup oolagppa daatteb. Wanppan wan kuɗum dilag daup am na, nahipad daup ele daatteb.

Esekiel 39:1

Amu Yawe Nug anam awowa, Nug nai tuɗitta aum. “Danab bekka, na Gog amegppa uug nuhigppa beeb anidkkunu propet nai inam appe doyeg! ‘Naɗi Yawe Nug inam atte. O Gog, na Mesek, Tubal ele dilag gumattak okkai daattem amu, da nahip hak amunu eheɗ doyeye ool ii medattem.

Revelesen 20:8

Amu nug geha dimittim wana, danab ah wan atu ohppanu ag Jesusnu kekeɗ daatteb, amu nug ag buppualadkku. Nug geha ban humaglagnu qagmaadkku. Ebqak ahilag amu yu ihippanu abuɗ bia.