Genesis 1:9 - Nobonob Baibel

⁹ Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum.

Genesis 1:9 Iomraidhean Croise

Genesis 1:8

Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Job 26:10

Kayak he, yu nuhig tom ii eɗidtte. Ao, am anam dayeb ukkeb, gog tak haenppa batakku.

Job 26:7

Kayak he, hab am keeke ii daatte attan aihak aakku dayom. Ao, nug he, wan imu ele keeke ii daatte attan aihak aakku daatte.

Sam 104:3

Nug bud oh eɗattak appag heum daatte. Ao, Nug bud he, nuhig oiyaknu karis daatte. Ge, Nug ulah eɗittak pahanab gotte.

Sam 33:7

Nug yuppan le oh yu daakkunu aben laippu qagmeum daatte. Yo, Nug yuppan le oh aben laippu yu daakkunu qagmeum daatte.

Sam 95:5

Nug yu heum, am nuhig daatte. Ao, nug eppegppa wan heum.

Eklisiastis 1:7

Le okkai, lenag ele, amu oh ag ahilag le yuppa notte; amge yu am-ii-bette. Le yuppanu aha, hab attan te, gu ne, le ugakka, yuppa le amu dayomppa aakku eɗua gotte.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Jona 1:9

Ag anam aeg, Jona nug amelagppa aum. “Da Hibru danab. Da Yawe, Nug Kayak hab attan daatte, Nug yu, wan ele heum amu, da Nug noobppa dup noin Nug binag mettem,” awa aum

2 Pita 3:5

Anam, amge digmakppa Kayak Nug oɗeppa nai aawo, hab wan ele beeh, Nug he, wan le ooppanu ba, le eɗitta dayom amu, ag amu doonna daulag atitte.

Revelesen 10:6

nug laa bauklel hanhan daatte, Nug hab heum amu habnu keeke oh ele hattom, Nug wan heum amu wanppanu keeke oh ele hattom, Nug yu heum amu yuppanu keeke oh hattom niitteb ele amu, Nug onigppa nuhig nai ɠagattag qetta aum. “Haen baula ii tuɗidma.