Genesis 1:7 - Nobonob Baibel

⁷ Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Genesis 1:7 Iomraidhean Croise

Genesis 1:11

Nug ena anattowa, Kayak Nug aum. “Wan etetuab oh, keeke amu oolagppa laa aegib otteb, laa am ad meu aeg ele otteb, ag anen anen ag aelkad nena qena, ag eɗun ag diilkad amubiaib bekkulag amu, ag oh beig!” awa aum. Kayak Nug a amu, am anam aakku beum.

Genesis 1:15

ag wan ele amahlak mettaglagnu dayeg!” awa aum. Kayak Nug a amu, am anam aakku beum.

Genesis 1:24

Keeke amu anam ba daye, Kayak Nug aum. “Wanppanu doɗ iɗu iɗu oh, ag diilkad piɗe piɗe, amuam aabppan doɗ, doɗ laa ag oolag wan qeeqe oitteb, amu doɗ dakkuɗ ele, doɗ amu oh ag anen anen appatna, ag diilkad amubiaib bekkulag amu, doɗ amu oh ag beig!” awa aum. Kayak Nug anam a amu, am anam aakku beum.

Genesis 1:8

Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.

Genesis 1:9

Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum.

Job 26:8

Kayak he, le naɗi lombigppa daatte. Ao, am anam, amge lombig ii aoɗtteb; ag le aɗan daatteb.

Sam 104:10

Yawe Nug he, le qeppuɗin bena, oolnu noakppa notteb. Ao, lenag qauko gamag gamag, bai heqoppa madmad gotteb.

Sam 136:5

⌊Ig Yawe,⌋ Nug am diignu doyak tutukku ele aɗa, Nug hab heum amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

Sam 148:4

Hab attan ukke ukke, adekku batatte, hab amu ⌊na danab ah Nug binag metteb bia, na⌋ Nug binag mee! Le attan daatte ele amu, ⌊danab ah Nug binag metteb bia, na⌋ ele Nug binag me!

Sam 19:1

Kayak binag amahlak oppiaawak ele attemu daatte amu, hab attannu keeke amu ippunigtteb. Ao, Nug keeke okkai okkai hette amu, hab waappan keeke ag amu ippunigtte.

Sam 19:2

Deɗ anen anenppa habppan keeke ag amu ippunigtteb. Ge, tuqan oh habppan keeke ag Kayaknu doyak ippunigtteb.

Eklisiastis 11:3

Lombigppa gu huana daatte dayeb, gu wanppa nette; ad laa qiia ukka wanppa niitte amu, ad amu qiia ukka dayomppa aakku niitte. Am yau uɗitteppanu ad qiia ukka niitte amu, yawalti uɗitteppanu aakku niitte. Yawalti uɗitteppanu ad qiia ukka niitte amu, yau uɗitteppanu aakku niitte.

Matyu 8:27

Nug anam he amu, nuhikkud ippunittak awak danab ag dabmak kuɗum aonna, akka akka appig. “Danab imu am danab attemu? Ulah, le ele aa ele nuhig nai dim lamidttep!” aon appig.