Genesis 1:3 - Nobonob Baibel

³ Boppala dayeye, Kayak Nug, “Amahlak baɗ!” awa aum. A amu, amahlak aakku beum.

Genesis 1:3 Iomraidhean Croise

Genesis 2:4

Digmakppa Yawe Kayak Nug hab wan ele haate, amu dimppa aɗi beumnu kaya am iikku. Yawe Kayak Nug hab, wan ele haatom, haen amuppa amu, wanppa keeke laa ba ii dayom. Aɗinu? Gu nekkunu amu, Yawe Kayak Nug he ii neum, amu danab laa ele wan bappaidkkunu ii dayom. Amge le wan ooppanu baaba, wan leppu medattom.

Job 36:30

Job na Kayak he, amemɗi habppanu na, yu ooppa amahlak ele daatte antte!

Job 38:19

Na amahlaknu dayak abenppa ukkaknu ib doottemte? Ge, na gatatunu dayak aben adeppa daatte doottemte?

Sam 104:2

Yawe Nug danab lamen tagatte bia, Nug amahlak tagekke daatte. Nug danab sel lag taiedatte bia, Nug hab me daatte.

Sam 118:27

Yawe Nug Kayak daatte. Nug ig nuhig amahlak mekkom. Ag oolag gamag ahebeb, mana mettak aon uɗin, qaɗabppa meig!

Sam 148:5

Aɗi keeke daatte amu, Yawe Nug a beppig amunu, keeke oh Yawe heum ele, keeke amu oh Nug binag meig!

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Aisaia 60:19

“Ag baula amunppa aamnu amahlak aoglagnu ii daamna. Tuqanppa amu, ag kalam enanagnu amahlak aoglagnu ii dabmemana. Am inam daakku. Yawe Nug ahilag amahlak hanhannu daakku. Ao, ahilag Kayak Nug heeb, ag binag amahlak oppiaawak ele daaglag.

Matyu 8:3

Nug anam a, Jesus Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum. Anam a amu, pahanab gaɗa oɗe nau amu iitta me, danab nug ena dayom.

Jon 1:5

Amahalak amu Nug gatatuppa amahaltte, amu gatatu nug amahlak amu eɗidkkunu elele iitta.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Jon 11:43

Nug anam unuqittowa, Nug huanak ewa aum. “Lasarus, na ahan dimittim do!” awa aum.

Jon 3:19

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

1 Jon 1:5

Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.

1 Jon 2:8

Amge haknunab anak imu, da ahilagnu yaattem ele amu, nug am bau bia ele. Nuhig meu am Jesus nuhigppa amu ahilagppa ele miag atitte. Aɗinu? Gatatu oh iitta meeme, amahlak genab nug aakku amahaltte.