Genesis 1:21 - Nobonob Baibel

²¹ Anam amunu, Nug yuppanu doɗ okkai okkai, amu le ohppanu doɗ iɗu iɗu laa oh ele, amu ai iɗu iɗu oh ele, ag oh anen anen appatna, ag diilkad amubiaib bekkulag amu, Nug amu oh hattom. Kayak Nug anam hattowa, Nug ena anattom.

Genesis 1:21 Iomraidhean Croise

Genesis 1:20

Keeke amu anam ba daye, Kayak Nug, “Leppanu doɗ iɗu iɗu oh amu, ag huanak beig! Ai ele ag oh bena, hab waappa hagagaɗeg!” awa aum.

Genesis 1:22

Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum.

Genesis 1:25

Kayak Nug anam aum amunu, ib amuppa Nug doɗ dakkuɗ, aabppan doɗ, amu doɗ laa ag oolag wan qeeqe oitteb, doɗ amu oh ag anen anen appatna, ag diilkad amubiaib bekkulag amu, Nug doɗ amu oh hattom. Nug hattowa, Nug ena anattom.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Genesis 2:19

Amu anukka Yawe Kayak Nug wanppanu doɗ iɗu iɗu oh, ai iɗu iɗu oh ele wanppanu hatte bena daaegeg, Nug Adam ahilagnu anen anen ag onilkad ataɗadkkunu nug noobppa diia uɗie, Adam nug ag onilag ataɗatte, anam daappig.

Genesis 6:20

Ai, doɗ, doɗ laa ag oolag wan qeeqe oitteb ele amu, amu oh aɗit aɗit nahip-ppa uɗiglag, amu na diiadna, bau daaglagnu uub ooppa maatte!

Genesis 7:14

aria, doɗ dakkuɗ, doɗ aabppanu, ai, doɗ laa ag oolag wan qeeqe oitteb oh ele, amu oh ag anen anen appatna, ag diilag amubiaib betteb amu, ag uub ooppa nona malappig.

Genesis 8:17

Amu na doɗ iɗu iɗu oh, ag na ele uubppa daatteb, amuam doɗ, ai, doɗ laa ag oolag wan qeeqe oitteb oh ele amu, ag wanppa daanna, kuɗum appatkkulagnu, na amu oh diiadna dimittim ukke!” awa aum.

Genesis 8:19

Noeg amu, doɗ, ai, doɗ laa ag oolag wan qeeqe oitteb ele oh amu, ag uub dimittim noppig. Doɗ iɗu laa, anig, dawai ele aa noeh, doɗ iɗu laa anig, dawai ele nopiɗ. Ag anamib nona nona, malappig.

Genesis 9:2

Aria, keeke laa ele, da heppi, doɗ, ai, kakai, doɗ laa ag oolag wan qeeqe oitteb ele oh, ag ahilagnu baɗak okkai doon, ag waalagpa daanna oiglag.

Genesis 9:7

Ahilagnu amu, da attem. Ag appatna, kuɗum bena, wan oh tonan daanna oiyeg!” awa aum.

Job 12:7

⌊Ag uɗin daatteb ele amu, ag ahilag dabmak aib dabmeppig. Iitta.⌋ Ag gona neegna, doɗ anadppeppeg, ag ippunittak mattaglag. O amu iitta, ag wana, ai neegna anadna, danab layag keekenu a doya, doyak aotte bia, ag doyak aoglag.

Job 26:5

Laa mauhna Kayak noobppa daatteb amu, ag eheɗ hahaɗtteb. Ao, laa mauhak abenppa daatteb ag anam hetteb.

Job 7:12

Da keeke eheɗ laa, o da yuppan doɗ okkai nau ele laatai, amu diig amunu na maniguiɗttem?

Sam 148:7

Keeke oh wanppa daatte amu, ag oh ⌊danab ah Nug binag metteb bia, ag⌋ Yawe binag meig! Keeke amuam inam: yuppanu doɗ okkai okkai, yuppan doɗ laala yu unuqagnab daatteb,

Eksodas 1:7

amge Israel danab ah ag buɗub buɗub doodo, nid huana menuadna, appatna, kuɗumnab daappig! Genab, ag appatna, huu ɠagattagnab bena, wan ag daappig ele oh tonappig.

Eksodas 8:3

Le Nil amu, geha og am-nab-bena, geha ag le uun bena gona, nahip lag enanagnab, appa tena, lag ooppa nahip niiak aben ooppa nona, niiaknu balalppa tekkulag. Am og ag nahipad ehanittak anuqak danab laulkadppa tena, danab ah nahipad laa laulkadppa ele geha tena, lag ooppa nokkulag. Amu geha aab ilan, bret manaknu dramppa, am bret kaboliaknu tappiɗ ooppa ele nokkulag.

Esekiel 32:2

“Danab bekka, na nai oo doyak ele imu Isip dilag king Paro nug amegppa inam appe doyaɗ! ‘Paro, na am wanppan wan laa oh oolagppa laion bau bia daattem. Ao, na am yuppan doɗ okkai nau ele bia daattem. Wagai nug le nakokppa itoɗiaya, baegppa heehe, le dubuttid ele daatte, na amubia hettem,’ ” awa atte.

Jona 1:17

Ag anam heppig, amge Yawe Nug kakai naɗi he uɗia, Jona awa, kunum toppua ukke, Jona nug kakai ooppa noa, deɗ ewam, tuqan ewam ele anam dayom.

Jona 2:10

Jona nug anam unuqitte, aakku Yawe he, kakai nug Jona abuɗppa kele teum.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.