Genesis 1:2 - Nobonob Baibel

² amu wan nug iɗu iitta dayeye, appa keeke laa ele ii daye, gatatu, le eleib tona dayeye, Kayak Ouɗi Nug ⌊wan heeb, keeke bau daatte ele wanppa daaglagnu elele daakkunu⌋ boppala dayom.

Genesis 1:2 Iomraidhean Croise

Job 26:14

Keeke amu oh am Kayak Nug ɠagattag okkainab ele ippunigtte, amge elele ii ippunigtte; nakoknab aakkuib ippunigtte. Ao, danab nai otiptip-ppa mattie, ig nai oqotti nakokib doottem, amubia keeke amuam Kayaknu ɠagattag nakokib ippunigtte. Otiptip mattiak am oqotti nakokib, hakkaɗ qak am oqotti okkai; amubia Kayak Nug nuhig ɠagattag okkai oh ippunikkeb, ig attem dabmelom?” Job nug anam Bildad amegppa aum.

Job 26:7

Kayak he, hab am keeke ii daatte attan aihak aakku dayom. Ao, nug he, wan imu ele keeke ii daatte attan aihak aakku daatte.

Job 38:9

Da, Yawe, da yu, nuhig tom ele hemi, amu haen da amu heinne, da bud naɗi yu amu tonakkunu hemi. Ao, da bud teppu ele yu tonakkunu ai, anam dayom.

Job 41:32

Nug le gaɗappa oiyaya, uub naɗi ugekke, dimugppa uubnu le ippu aam ye, amemɗiag aotte, amubia nug dimugppa daatte; danab nug amu antta, nug, ‘Boobppa he, le hipaɗ qette,’ dootte.

Sam 104:30

Amge haen na nahip ouɗi ag mattae, ag hik aon bau daanna, ag ahan oitteb; ib amuppa na hee, bauklel keeke ag wanppa bau daanna oitteb.

Sam 104:6

Digmakppa le, wan oh tona mala dayom. Ao, le nug qauko oh tona dayom.

Sam 136:6

⌊Ig Yawe,⌋ Nugib he, leppanu wan beum daatte amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

Sam 148:7

Keeke oh wanppa daatte amu, ag oh ⌊danab ah Nug binag metteb bia, ag⌋ Yawe binag meig! Keeke amuam inam: yuppanu doɗ okkai okkai, yuppan doɗ laala yu unuqagnab daatteb,

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Prowerb 8:24

Nug yu ii heum haenppa, Nug ah nid menutte bia da heiɗe bemi. Ao, Nug le qeppuɗin betteb ii hattom haenppa, da heiɗom.

Aisaia 31:5

Amu ai anig nug aɗi keeke laa teɗ nuhig heeb nauhman boppala daatte, amubia Yawe Nukka Ɠagattag Oh Ele, Nug Jerusalem padal memanu ehanidkku. Nug nuhig guppiɗ daya ehanitteb, padal ii mema. Ao, Nug laa ag heppeg qagaiettak daamanu ehanitteb, ena daakku.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Jeremaia 4:23

Amu da, Jeremaia, ⌊da tuleglegppa⌋ neekki ukke, da wan imu anidmi; amu wan am iɗu laa iitta anidmi. Keeke laa appa ii dayom ele anidmi. Amu da ele neekki ukke, hab anidmi, amu habppan amahlak laa ele ii dayom anidmi.

Nahum 2:10

Kekeɗ ag Niniwenu keeke oh aakku ban hena aoglag. Ag aon gokkulag. Ag anam hebeppeg, Niniwe danab ah ag beɗulag gai-iitta mekku. Oolagppa am ag ɠagattag laa ii doomna. Ag hahaɗppeppeg, ag iɗulag am hakkab ebakku.

Duteronomi 32:11

Yawe Nug am ai igel laa, nag hagagaɗkkunu ippunidtte, amubia heum. Igal nug haen oh nag naqekkunu heebeb aɗa awa, haugppa mekkunu babaitta daatte bia, Yawe Nug Israel danab ah ehanatta, aakku ahilagnu anam heum.