Genesis 1:12 - Nobonob Baibel

¹² Ao, wannu etetuab oh beppig; amu oolagppa am keeke laala aegib oeg, aeg amu ag nena qena, ag eɗun ag diilkad amubiaib betteb, amu ad laala ag meulkad aeg ele oeg, aeg amu ag nena qena, ag eɗun ag diilkad amubiaib betteb. Keeke amu oh aakku beppig. Keeke amu oh beeg, Kayak Nug ena anttom.

Genesis 1:12 Iomraidhean Croise

Genesis 1:11

Nug ena anattowa, Kayak Nug aum. “Wan etetuab oh, keeke amu oolagppa laa aegib otteb, laa am ad meu aeg ele otteb, ag anen anen ag aelkad nena qena, ag eɗun ag diilkad amubiaib bekkulag amu, ag oh beig!” awa aum. Kayak Nug a amu, am anam aakku beum.

Genesis 1:13

Buttua ukka uudo, ukka wagkkaɗom am deɗ ebqak ewam.

Sam 104:14

Yawe Nug makau dilag gikkiɗah he bette. Nug danab ag aon lakkulagnu ee ele he bette. Nug ehanatte, ag ee eppaeg, ee digdig danab ah ag lakkulagnu betteb.

Aisaia 61:11

Anam amunu, ee tumu wanppanu genab digma ba, okkai mette, o dattanu keeke genab bette, amubia Naɗi Yawe Nug heeb, genab tutukku hak kobol wan atu ohppa okkai meeb, danab ah ag Nug binag mekkulag.

Mak 4:28

Nug uɗat laa heehe, wan nug nukka ee ittag medette, ee amu bette. Tatam am qaɗu, dimppa haɗag qette, amu dimppa nug meu otte.

Luk 6:44

Danab ag nuhig meuppa ad anidna dootteb. Danab ag ad fig meu ad naunau qaun eleppanu ii aotteb; ag grep meu amu uud qaun eleppanu ele ii aotteb.

2 Korint 9:10

Kayak, Nug ee eppaknu danab ee tumu madatte, Nug ee digdig danab oh lakkulagnu ele madatte amu, Nug geha ag keeke oh elele matteb, ag laa madappeg, aria ag Korint ag geha genab tutukku hak kobol ahilag amu nug tuɗid okkai maama, ag laa daɗek daatteb keeke kuɗum mattaglagnu elele daaglag.

Galesia 6:7

Laa nug ag buppualatteb dim lamidmananu dabmeig! Laa nug Kayak hambuppuidkkunu elele iitta. Amu inam. Danab nug ee tumu ebatte amu, geha dimppa ee tumu eppom amuib meu amu aokku; meu laa ii aoma.

Hibru 6:7

Am imubia. Kayak Nug wan laa, gu haen kuɗum wan amuppa ne, wan nug leppu amu awa, danab wan amuppa uɗat hena, ee ebatteb ele ehanatte, ee ena ba meu otte amu, Kayak Nug wan amu itittak ena medatte.