Genesis 1:11 - Nobonob Baibel

¹¹ Nug ena anattowa, Kayak Nug aum. “Wan etetuab oh, keeke amu oolagppa laa aegib otteb, laa am ad meu aeg ele otteb, ag anen anen ag aelkad nena qena, ag eɗun ag diilkad amubiaib bekkulag amu, ag oh beig!” awa aum. Kayak Nug a amu, am anam aakku beum.

Genesis 1:11 Iomraidhean Croise

Genesis 1:12

Ao, wannu etetuab oh beppig; amu oolagppa am keeke laala aegib oeg, aeg amu ag nena qena, ag eɗun ag diilkad amubiaib betteb, amu ad laala ag meulkad aeg ele oeg, aeg amu ag nena qena, ag eɗun ag diilkad amubiaib betteb. Keeke amu oh aakku beppig. Keeke amu oh beeg, Kayak Nug ena anttom.

Genesis 1:29

Dimppa Kayak Nug aa amelahppa aum. “Da gikkiɗah, ad, muɗi ele oh ag meulkad amu, am ahilah ee daakkunu matattem.

Genesis 2:16

Mewowa amu, nug danab inam hekkununab amegppa aum. “Na ad meulkad imu oh lakkutnu elele,

Genesis 2:9

Yawe Kayak dad heum, amuppa Nug he, ad iɗu iɗu, amuam ad bala anattaknu, ad meu lanaknu ele, ad amu oh beppig. Dad gamagppa amu, Nug he, ad aɗit laa ele bepiɗ; amu laa am bau dayaknu ad, laa am keeke ena, keeke nau ele doyaknu ad.

Job 28:5

Wan qaɗeppa ee ba, meu otte, amge wan ooppa danab ag silwa, gol keeke aoglagnu buueg ukke ukke, appa keeke dayom bia ii daatte. Lag aab ewe keeke, aben dayom bia ii daatte, amubia wan ooppa ag heeg, keeke dayom bia ii daatte.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Sam 147:8

Yawe Nug he, bud huanak habppa daatteb. Ao, Nug he, gu neene, wan le aotte. Nug hette, amuppa Nug he, gikkiɗah qauko nakokppa betteb.

Aisaia 61:11

Anam amunu, ee tumu wanppanu genab digma ba, okkai mette, o dattanu keeke genab bette, amubia Naɗi Yawe Nug heeb, genab tutukku hak kobol wan atu ohppa okkai meeb, danab ah ag Nug binag mekkulag.

Jeremaia 17:8

Amu danab nug Yawenu ooppa genab dootte, nug am le daugppa ad laa diɗi le amuppan le aotte, nug amubia daakku. Gakkaɗak haen nau daakku, o iitta, gu nakok laa ii nekku, amge ad amu uɗug ii qaɗaiettamna. Haen amubiappa ele ad nug meu wawaib daatte. Anambiaib, danab laa nug Yawenu ooppa genab dootte, nuhigppa daakku.” Yawe Nug anam awa atte.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Matyu 6:30

Ag antteg! Gikkiɗah gemu hippaitta daatte amu, butti ag okkulna, aab aɗuppa maoppeg tekku. Gikkiɗah am keeke hamu bia, amge Kayak Nug bala medatte amunu, ag tutukku doyeg! Kayak Nug ag ele genabnab dabmadakku. Ag oolagppa genab nakokib dootteb.

Mak 4:28

Nug uɗat laa heehe, wan nug nukka ee ittag medette, ee amu bette. Tatam am qaɗu, dimppa haɗag qette, amu dimppa nug meu otte.

1 Korint 15:38

Amge Kayak, Nug dabmak nuhig dim lamitta, Nug gumu, uɗug ele medatte. Nug ee iɗu digdig ohnu amu anen anen gumulkad uɗulkad ele anam madatte.

Hibru 6:7

Am imubia. Kayak Nug wan laa, gu haen kuɗum wan amuppa ne, wan nug leppu amu awa, danab wan amuppa uɗat hena, ee ebatteb ele ehanatte, ee ena ba meu otte amu, Kayak Nug wan amu itittak ena medatte.

Jems 3:12

O lailad, ad figppa ad olipnu meu doɗo niikkunu elelete? Iitta! Muɗi grep nug ad fig meu okkunu elelete? Iitta. Amubia le qeppuɗia bak laa, le yu ele amuppa bette amu, danab nug le qeppuɗia bak amuppanu le hamu, yu iitta ele aokkunu elele iittanab.