Eksodas 2:2 - Nobonob Baibel

² Aa ewau beya daapiɗ, dimppa ah amu nug oo ele daya, nug nid danab laa menuom. Menua, nug nid yuɗ amuam nid ena antta, nug kalam ewam lokkume dayom.

Eksodas 2:2 Iomraidhean Croise

2 King 11:3

Jehoseba nug Joas maɗ eblaih laippu ele Yawenu mettid lag ooppa, gumak ah nuhig ele lokkume dayom. Dayeye, haen amu Atalia nug Juda dilag kuin dayom.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Eksodas 6:20

Amram nug wau amu Jokebet. Jokebet nug Amram mameg appinag, amu nug Aron, Moses ele menuatom. Amram nug maɗ 137 daya, nug mauhom.

Namba 26:59

Amram wau am Jokebet, Lewi buɗubppan ah, Lewi danab laa Isip appa nug menuom. Amram am nug gamu, amu nug Aron, Moses am aa apalah Miriam ele menuattom.

Aposel 7:20

Ag uug nau amuppa daanna, haen amuppa Moses anig nug menuom. Nug Kayak noobppa nid ena daye, nug anig mameg ele aa kalam ewam anam lakka lokkumeh dayom.

Duteronomi 33:16

Nug heeb, ag wan keeke ena he bette ele amu, ag amu aoglag. Laa Nug ad nakok laa ewa dittieye, aab amu ooppa dayom amu, Nug heeb, kobol Nug laa dilagppa ii helo bia me, Nug hette, kobol amu Josep buɗub dilagnu daakku. Keeke ena amu oh Josep buɗub, ag ahilagppa daakkunu ool daatte. Ao, Josep nug awakkud, amakkud oolagppan okkai dayom, amu keeke imu oh nug buɗub dilagppa daakkunu ool daatte.

Hibru 11:23

Moses anig mameg ele aa ele Kayaknu oolahppa genab doopiɗ amunu, anig nug Moses menue, nid enanag anidya, kalam ewam lokkumeh niittom. Aa Paronu oolah ii baɗeɗe hepiɗ.

1 Samuel 16:12

Samuel nug anam a amu, Jesi nug nid laa ukka, Dawit omala uɗikkunu he ukka, omala uɗiom. Dawit iɗu am anttaknu enanag, beɗu ele ena, ɠagattag, amu nug ameg ele ena amahaltte. Nug uɗia do, Yawe Nug Samuel amegppa aum. “Nug aakku, da nug king daakkunu tituanmi amunu, na nug king daakkunu goɗen gokkaɗakppa tituane!” awa aum.