Daniel 9:12 - Nobonob Baibel

¹² Na Moses oɗeppa ig, ihinkad danab okkai ele ig hipunin hekkunig dayeb, ig bu okkainab aognig ame amu, na he, nai amu meu o, ig nauhta autta aomut. Uug naunab Jerusalem beum amu, deɗ laa wan atu ohppa uug amubia aab o wan laappa ii beum. Iitta. Jerusalem bu okkainab awom.

Daniel 9:12 Iomraidhean Croise

Esekiel 5:9

Ag Jerusalem danab ah ag kobol laa, da kobol amunu oolppa uuaknab doottem, kobol amuam ag kayak hambuppuak dottolkad noolagppa dup nona binalag metteb, ag kobol amu hetteb amunu, ag Jerusalem danab ah, ag bu awak ahilag am okkainab daakku. Da deɗ laa bu anam laa ii mattami, butti aɗi ele baula anam ii hepa.

Gayak Nai 1:12

Ag danab ah ag oinna, ag neegna, ig Juda anignana, ag guittak nau ig tonikkom daatte am keeke hamu doottebte? Ao, Yawe Nug ig Juda ig hipunin huanak hemut antta, Nug oo nauhak huanaknab doya he, kekeɗ ag heeg, ig guittak okkainab aomut oittem amu, laa guittak ig aomut bia laa awomte?

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Gayak Nai 2:17

Yawe Nug aɗi keeke hekkunu maittak awa dayom amu, Nug aakku heum; Nug anukka aɗi keeke hekkunu ɗo nai aum amu, Nug he, nai amu meu oum. Nug oo gai-iitta doya oo metta ehanittak kobol ii dabmaama he, kekeɗ ag heeg, ag Juda, ag padal meppig. Ao, Nug he, ag Juda, ag nena qeppig amu, ahilkad kekeɗ ag amunu gamag ahak nau okkainab dooppig; Nug he, ahilkad kekeɗ ag ɠagattagnab daan oitteb.

Gayak Nai 2:13

O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?

Job 12:17

Kayak he, kekeɗ ag wan laa eɗidna malan, wan amuppan ulum mettak danab ag wan amunu okkai danab ulum medappig ele, ag kekeɗ amu eppelagppa daaeg, kekeɗ ag danab amu beɗulag miag diin gotteb; Kayak he, epeɗiak danab ag ahilag nai maditteb, amge nai amuam kaaka nai miag atie, laa anidtteb.

Rom 15:8

Da inam attem. Kristus, Nug Kayaknu nai ig alankad amelagppa qakkatta aum amu, nai amuam genab miag atikkunu, Kristus Nug Juda dilag maɗi nid beum.

Luk 21:22

Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.

Mak 13:19

Aɗinu? Haen amuppa amu uug nau bekku. Uug nau amubia deɗ laa Kayak digma keeke oh heum uɗiak gemu ele, dimppa ele amubia ii daama.

Matyu 24:21

Aɗinu? Haen amuppa amu, uug naunab bekku. Uug naunab amubia nug digmak haenppa uɗiak gemu ele laa ii beum, dimppa ele amubia ii daama.

Matyu 5:18

Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Sekaraia 1:8

Da Sekaraia, da tuqan tulegleg laa anidmi. Tulegleg amuppa, da danab laa anidmi. Hos nug attan daya oiyom ele amu, hos amuam kokoɗ. Amu danab amu nug ad mirtel kuɗum oolnu noak nakokppa daappig, nug ad amu oolagppa hibaitta dayom. Danab amunu hos dimugppa amu, hos laala ele daappig. Hos amu laala am kokoɗ, bedupped, hakkab ele. ⌊Amu hos anen anen ohppa danab laa attan ta dayom. Aria, ad mirtel amu oolagppa Yawenu engel ele dayeye anidmi.⌋

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Esekiel 13:6

Israel danab ah, ahilag propet hambuppuak ag tulegleg anidna, “Yawe mekkom,” atteb, amge amuam genab iitta; am tulegleg hambuppuak. Ao, ag eman hak ahilagppanu, “Imuam Yawenu nai,” atteb, amge amuam genab iitta; am emannu hambuppuak nai. Ag, “Yawe Nug inam atte,” atteb, amge da ag amu akkulagnu ii ami. Ag amu hetteb, amge ag hambuppun, “Ihinig nai am meu okku,” atteb.

Gayak Nai 4:6

Yawe Nug dahilad huu bu mattom amu; bu mettak amuam Sodom dilag eɗittom. Yawe Nug Sodom pahanab he nauhom; danab heeg, Sodom danab ah uug ii dooppig.

Prowerb 8:16

Da king tiigppan danab ehanattitti, ag danab ah ahilkad gumadtteb. Ao, da anuqak danab, amu epeɗiak danab ag genab tutukku hak danab daatteb amu, da ag oh ehanadttem, ag wan gumatteb.

Sam 148:11

wanppan king, wanppan danab ah laa, danab king tiigppan doak, wanppan danab okkai laala,

Sam 2:10

Amunu ag king daatteb amu, ag doyak dabmak ena ele awaknu nai imu doyeg! Ao, ag wanppan danab okkai, ag nau aomnanu dabmettak nai imu tutukku aweg! Ag Yawenu ebehilag oh bodoetta le meeb, ag Nug waappa daan Nug oɗe dim lamitteg! Ag Yawenu oolag gamag ahaɗ! Amge ag Nug noobppa nau hemananu ele baɗeg!

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Jeremaia 32:23

Na ag mattae, ag wan amuppa uɗin, danab daappig eppelagppanu aoppig, amge ag na oɗen ii dim lamidppig, nahip ɗo ele dim ii lamidppig. Ag na aɗi hekkulagnunab ame amu, ag ii heppig amunu, na uug nau imu ahilagppa hee beum.

Jeremaia 39:16

“Na ahan gona, Kus danab Ebetmelek amegppa inam appe doyaɗ! ‘Yawe Nukka Ɠagattag Oh Ele, Nug Israel dilag Kayak, Nug inam atte. “Da matu aab okkai imuam nauhakib daakkunu, ena ii daamanu ami. Da anam ami, amu haen elab iitta, da heppi, nai amu meu okku. Haen amuppa na amenppanab nai amu meu oobob anidkkut,” awa atte.

Jeremaia 44:23

Ag kalu danab ile muttuɗig enanag bette manan, kayak hambuppuak medappig, ag Yawe, nuhigppa hipunin heppig, ag Yawe oɗe ii dim lamidppig, ag nuhig ɗo, nuhig nai ele ii dim lamidppig amunu, uug naunab ahilagppa beum. Uug beum amu ag aakku anidtteb,” awa aum.

Daniel 12:1

Amu haen amuppa Maikel, nug engel naɗi, nug na, Daniel, nug nahipad danab ah ehanadtte amu, nug aha uɗikku. Haen nug aha uɗikku, haen amuppa uug naunab daakku. Uug amubia deɗ laa wanppa ii neum. Uug amu bekku, amge nahipad danab ah oh, onilag bukppa yaak daatte ele, ag oh ehanittak aon, ena daaglag.

Sekaraia 7:12

Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.

2 King 22:16

Yawe Nug inam atte. “Da heppi, uug naunab aben imuppa, danab ah aben imuppanu dilagppa ele, buk Juda dilag king ebqeum eleppa yaak oh niitte bia bekku.

Aisaia 43:28

Amunu da heppi, ag Juda, ag ahilag mana mettak danab amu, danab ah laa ag ahilagnu, ag am keeke hamu bia dooglag. Ao, da heppi, ag Jakop buɗub, ag dahilnuib, dahil pelemppa daaglag. Ge, da heppi, ag Israel buɗub ag uɗa nak nau guittak ele dooglag.” Yawe Nug anam atte.