Aposel 8:5 - Nobonob Baibel

⁵ Amu Kristen ag anam heegeg, danab laa onig Pilip nug aab okkai laa onig Samaria, appa noa, appa nug Kristusnu nai mehuqom.

Aposel 8:5 Iomraidhean Croise

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 21:8

Deɗ laippu amu uue, wagɗe deɗ amuppa ig Tolemes uuta gota, Sisaria teta amu ig gota, Pilip, nug Nai Ena mehuqak danab amu, ig nug laugppa nug ele daamut. Nug am digmakppa danab eblaih aɗit ele laa ag totol danab ehanadppig ele, nug am amunu oolagppan laa.

Aposel 5:42

Anam amu, deɗ oh ag Kayaknu mettid lakka, amu danab ah laulagppa ele oina, Jesus Nug am Kristus, amu mehuqnana ippunadppig. Ag Nai Ena mehuqkkulagnu ii uuppig.

Aposel 6:5

Ag anam aeg, danab ah oh ag nai amunu ena doon, ag danab otiadppig. Ag otiadppig ele amu, ag onilag am Stiven, nug ooppa genab doyak nuhig am ɠagattag, Kayak Ouɗi nug ooppa ambak ele. Aria, laa am Pilip, laa am Prokorus, laa Nikanor, laa am Timon, laa Pemenas, amu laa am Nikolas. Nikolas ⌊nug iitta aɗi laa,⌋ nug Antiok ted. Amu nug ⌊tatam⌋ eɗua, Juda dilag mettid dim lamittom, ⌊amge gemu nug Kristen beum daatte⌋.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Aposel 8:26

Aria Naɗinu engel laa nug Pilip amegppa aum. “Na ahan, laih yau uɗitteppanu gona, ib laa Jerusalemnu Gasa ukkakppa daatte amu appa ukke! Ib amuam atu taɗakppanu ib,” awa aum.

Aposel 8:30

Aria, Pilip nug qaietta gumitta wana, danab amu nug propet Aisaianu yaak ebqeeqe doya, oɗ metta aum. “Na nai ebqettem ele amu, na diig nuhignu oot maidttete, o iitta?” awa aum.

Aposel 8:40

Anam ukkom amge Pilip nug Asdot appa tula ba, aab laala ohppa ukka oiyaya, nug Nai Ena mehuqom. Nug anam haaha ukka Sisaria waum.

Aposel 8:6

Nug Kristusnu nai mehuqeqe, danab ah kuɗumnab ag nai amu doonna, Kayak ehanitte, nug Kayak dabmettaknu kobol danab haknu elele iitta amu ele hattette anidna, Pilip nai mehuqom amu ag daulag human dooppig.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

1 Korint 1:23

amge ig ib aɗit amuppa ii gottem. Iitta! Ig Kristus ad emaitakppa atulitteg mauhom, ig amunu nai mehuqttem. Ig anam mehuqutut, Juda danab ag nai amunu ag eheɗ doon, ag kekeɗ mettaegeg, Grik danab ag nai amunu, “Dabmak tutukku iitta,” aon anana, ii aotteb.

1 Korint 2:2

Iitta! Da dabmak awen, ɠagattag qein, haen da ag oolagppa dayeye, dakka dakka da oolppa ami. “Keeke laa ohnu ele da ii dabmepa. Da Jesus Kristusnuib, amu Nug ad emaitakppa mauhom, amunu ele aakkuib dabmein madikkul,” awe ami.

1 Korint 3:11

Aɗinu? Tamaniak ukku laa ii daatte. Da Jesus Kristusnu nai mattimi aakkuib am tamaniaknu ukku daatte, amu danab laa nug ukku laa heeb bekkunu elele iitta.