Aposel 8:1 - Nobonob Baibel

^1-2 Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Aposel 8:1 Iomraidhean Croise

Nehemaia 6:3

Aa anam dabmepiɗ amunu, da danab laala ag dahil nai nob aon gona, mataglagnu maatti goppig. Dahil nai aon goppig am inam. “Da imuppa uɗat naɗi hein daattem; da aa madipiɗppa nokkulnu elele iitta. Diig aɗinu da uɗat imu uuppi, hamu dayebeb, aa anatkkulnu gokkul? Am elele iitta.” Da nai amu appeg dooglahnu maatti goppig.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Daniel 6:23

Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Matyu 22:6

Laala ag anam heppig, amge laa oh ag kingnu maɗi nid aɗualadna makkuɗadna, aqaeg mauhppig.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Matyu 5:13

Ag amu wanppan yu kalu bia daatteb, amge yu kalu nug yu ubuhi iitta dayeb amu, attem hepput, nug eɗua ubuhi ele daakku? Yu kalu anam amu, nug uɗat iitta. Danab ag gokkaɗeg ukke, tappan gotteb.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 13:1

Aria, Antiok Kristen tamaniakppa propet, amu ippunittak danab laala ele appa daappig. Ag onilag am Barnabas, Simeon, nug onig laa Naisa, Lusius, nug am Sairini ted, Manain, nug Herot Antipas ele buɗub laippu, amu Saul aakku.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 22:20

Amu anukka haen ag Stiven qeeg mauhom, nug am laa heehe anttomnu mattiak danab nahip amu, haen amuppa amu da daaiyi, ag nug qeeg mauhom amu, da amunu ool ena dayom. Amu ele da danab Stiven qeppig, amu dilag lamen amu da gumami.’ Da anam ami.

Aposel 26:10

Da anam aakku Jerusalem appa hemi. Mana mettak danab okkai ag aeg amu, da Kayaknu danab ah oppiaawak ele kuɗum aɗalatten maniguittakppa maadmi. Maatti, laa mauhkkulagnu appig amu, da ele anam ami.

Aposel 5:18

Anam amu ag ahan, totol danab 12 aɗualadna, danab oh dilag maniguittak, ag amuppa maadppig,

Aposel 5:20

“Ag eɗun gona, Kayaknu mettid lag ooppa nona, danab ah amelagppa Kristen bau oiyaknu diig, amunu mehuqppeg doyeg!” awa aum.

Aposel 5:33

Ag nai amu aeg doonna, ag oppoɗilag be amelag kokoɗ eppe, totol danab 12 aqappeg mauhkkulagnu appig.

Aposel 5:40

Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Aposel 7:38

Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.

Aposel 7:54

Am Stiven nug nai amu aum amu, ag oolag ye, guatte oolag nauhe, oppoɗilag huan be, amelag kokoɗ eppe, Stivennu aelkad emalna daappig.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Aposel 8:14

Pilip anam he, totol danab 12 Jerusalem daappig ag Samaria danab ah Kayak nai doon, oolagppa genab dooppig doyona, ag heeg, Pita, Jon ele noya anadpiɗ.

Aposel 8:4

Anam heehe, Kristen ag matatun aab laalappa gona daanna, ag Nai Ena mehuqppig.

Aposel 8:5

Amu Kristen ag anam heegeg, danab laa onig Pilip nug aab okkai laa onig Samaria, appa noa, appa nug Kristusnu nai mehuqom.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Pilipai 1:12

O lailad, da ag imu tutukku dooglagnu ool daatte. Kobol da beɗulppa beum ele am Nai Ena ii tappe nette. Iitta. Amu he, Kristusnu nai naɗi mette.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.