Aposel 7:57 - Nobonob Baibel

⁵⁷ Nug anam a, ag doona, ag huanaknab enana, daulag itun, ag oh ahan qaiqaɗ wana, Stiven aɗappig.

Aposel 7:57 Iomraidhean Croise

Sam 58:4

Keeke ag hetteb, amuam mat naunu ouɗi, danab he mauhtteb, ag amubia hetteb. Ao, ag Kayak nai doomnanu, ag mat nau onig kobra nai laa ii dootte, ag amubia ag daulag itutteb.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Sekaraia 7:11

Yawe Nug anam atte, amge ag mamelkad aɗi ag nuhig nai dabmettaglagnu uuppig. Ag ahilag dabmak ɠagattag eppe, ag Yawe dimettan, ag danab nug nai doomanu nug daug eppeg doɗoppa itutte, amubia ag Yawenu nai doyaknu uuppig.

Aposel 23:27

Juda ag danab imu aɗan, qeppeg mauhkkunu heppig, amge da nug am Rom danab doomi amunu, ag anam heegeg, da daup ele ig gota anadta, Pol ag eppelagppan aomut.

Aposel 7:54

Am Stiven nug nai amu aum amu, ag oolag ye, guatte oolag nauhe, oppoɗilag huan be, amelag kokoɗ eppe, Stivennu aelkad emalna daappig.

Aposel 7:56

Antta, Stiven nug aum. “Antteg! Da hab aab obate, Danab Bekkalag Nug Kayak eppeg naɗiap-ppa hibaitta dayeye anidttem,” awa aum.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.