Aposel 3:17 - Nobonob Baibel

¹⁷ Pita anam ana, nug nai tuɗitta aum. “O lailad, da genab doottem, ag Jesus nuhigppa eheɗ heppig amu, ag tutukku ii doonna, ag kobol amu heppig, ahilkad ikki danab ele anamib aakku.

Aposel 3:17 Iomraidhean Croise

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

1 Korint 2:8

Wannu haen imuppan ikki danab oolagppanu laa nug doyak dabmak ena ele amunu diig pehettak ii doyom. Iitta. Ag doolob amu, ag Naɗi, Nug binag amahlak oppiaawak ele, ag Nug emaitakppa ii atullob.

Jon 16:3

Danab amu ag da Mama ele ii dooitppig gemu ele ii dooit-tteb amunu, ag anam hekkulag.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

2 Korint 3:14

Amge Israel danab ag dabmak ahilag am ɠagattag eppom daatte. Anukkanu uɗie gemu ele anam. Ag haen amu oh tituanak alagnu yaak amu ag ebqeppig, gemu ele ebqetteb, amge ag amunu meunab ii dooppig, gemu ele ii dootteb. Danab nug iɗu am iɗu hautaknu lamen qattippa hautak daatte, ahilag dabmak am amubia ina daatte. Ag ii aotteb. Iitta. Danab nug Kristusnu ooppa genab dootte dayeb, Kayak Nug lamen amu maut-tte.

Rom 11:2

Danab Kayak Nug anukka ag doyattom ele, Nug ag ii geɗattom. Amu Elaiyanu kaya Kayak naippa daatte amu ag amu iitai dootteb? Elaiya nug Kayak unuqittatta, Israel danab beɗulkadppa nai ya, inam aum.

Aposel 26:9

Aria, Nasaret ted Jesusnu amu, da anukka da heppi, Nug onig honapnab nekkununab dabmak ɠagattag aomi.

Aposel 7:40

Ag anam henana, ag Aron amegppa appig. ‘Ig danab amu, Moses, danab amu nug ig Isip wanppanu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!’ aon appig.

Jon 7:52

Nug anam a amu, ag nuhig nai inam nob meppig. “Na ele am Galili ted amunu na doyak iittatai? Na nai atognona ebqena am tutukku anidna dookkut. Propet laippu laa nug Galili appanu iinab bema,” aon appig.

Namba 22:6

Amunu na uɗin, danab ah imu eheɗ laa awaknu anak waappa daaglagnu a! Aɗinu? Ag am ɠagattag huanak ele, dahil ɠagattag am elele iitta. Na anam heppe, da geha ag lamadppi, ag wan imuppanu ahan, oolna gokkulagtai. Na uɗin, amu hekkutnu ool daattenu diig am, da doottem, na laa ag itittak ena madattem amu, ag itittak ena aotteb, amu laa na ag eheɗ laa awaknu anak waappa daaglagnu attem amu, ag eheɗ laa awaknu anak waappa daatteb,” awa aum.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Genesis 44:15

Anam heeg amu, Josep ag amelagppa aum. “Ag aɗi hekkulagnu anam heppig? Da am danab emanppa keeke dookkulnu elele amu, ag iite dootteb?” awa aum.

Genesis 39:8

Nug anam aum, amge Josep nug uua, eɗua amegppa aum. “Dahil danab okkai nug laugnu keeke laa ii dabmette; nuhig keeke oh nug da eppelppa da gumakkulnu meum.

Genesis 21:26

Abraham nug le moɗnu a amu, Abimelek nug Abraham oɗeppa awa aum. “Danab aun heum amu, da ii doottem. Da gemu iikkuib ae doottem. Na anukka da amelppa ii ame,” awa aum.

Pilipai 1:22

Da bau daakkul dayeb amu, da geha danab kuɗumnab ehanadkkul, amge da mauhkkul dayeb amu, da Kristus ele, Nug daatteppa ouqeɗa daagnih amunu, da aɗi ib dim lamidkkulnu am ena amu, da ii doottem; ib aɗit oh am ena.

Luk 23:13

Aria Jesus Nug eɗua Pailat toppa daye, Pailat nug mana mettak danab okkai, danab ah ikkilkad danab, amu danab ah ele ag onilagppa e, ag gumidna ukkaeg,

Jon 15:21

Amge laa ag Mame, Nug da meiɗe uɗimi amu, ag Nug ii dootteb amunu ag, ag da onilppa oitteb doona, ag ahilagppa eheɗ hekkulag.

Aposel 22:5

Da anam hemi amu, mana mettak ikki danab nug, amu Juda dilag hettoɗiak okkai onig Sanhidren, amunu danab ele oh ag dootteb, ag amunu mattiglagnu elele. Da hei, ag ig lainkad Damaskus dilagnu uɗug yaaladna da meɗaeg, da Damaskus gokkulnu gomi. Da Kristen danab ah appanu amu hippalatten diien, Jerusalem uɗippi, ag hettoɗiakppa guittak aoglagnu gomi,” awa aum.

Aposel 28:21

Pol nug anam awa a amu, ag nug amegppa appig. “Juda danab laala ag nahipnu doognignu ad uɗug laa yaan meeg uɗie, ig ii aomut. Juda danab laa uɗia, nug kaya amunu amenigppa mattiaya, nug na dimunnu laa ii aum.

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.