Aposel 3:1 - Nobonob Baibel

¹ Haen amu deɗ laa Pita, Jon ele aa tueb, aam ameg ewamppa, unuqittak haenppa Kayaknu mettid lakka unuqidkkulahnu gopiɗ.

Aposel 3:1 Iomraidhean Croise

1 King 18:36

Amu tueb me, mana mettak haknu haenppa, propet Elaiya nug qaɗab guguitta wana, nug unuqitta, nug inam aum. “O Yawe, na am Abraham, Aisak, amu Israel ele dilag Kayak, na gemu deɗ imuppa na nakkaib Israel ippa Kayak daattem amu, na danab ah imu ippunadkkutnu, da na oɗ medattem. Laa amu, danab ah ag da am nahip maɗi nid, da nahip haknunab nai dim lamitte, keeke imu oh hemi amu, ag amu anidna dooglagnu ele ippunadkkutnu, da oɗ medattem.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Eksodas 29:39

Sipsip laa amu, ag buttua main, da meɗona, laa am tuebnab ag main, da meɗaglag.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Daniel 9:21

haen amuppanab Gabriel, nug pahanab hagagaɗa, gumiɗa uɗiom. Nug da laa anukka tuleglegppa anidmi, nugib aakku. Nug mana mettak danab hanhan tueb meeme, doɗ laa manan, Kayak medatteb, nug tueb haen amuppa dahilppa uɗiom.

Namba 28:4

Sipsip gaiɗ laippu am buttua main, da meɗona, laa am tuebnab meeb maiglag.

Matyu 17:1

Deɗ eblaih laippu uue, Jesus Nug Pita, Jems, Jon ele, ag omalatta, qauko okkai laappa te, ag akka daappig. Jems, Jon ele amu, aa am eamag.

Matyu 26:37

Nug anam ana amu, Nug Pita am Sebedi bekoɗ aɗit ele aakkuib diiatte, Nug ele goppig. Gona amu, Nug ooppa guittak nau, uugnab ele doyom.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

Luk 1:10

Kalu danab ile muttuɗig enanag bette amotom, haen amuppa danab ah kuɗum ag dimittim qagmena, unuqidnana daappig.

Luk 18:10

Nug aum. “Danab aɗit laa aa unuqidkkulahnu Kayaknu mettid lag ooppa teya daapiɗ. Laa amu ɗo gumak danab-Parasia. Laa amu takis awak danab.

Luk 22:8

Amu deɗ amu be, Jesus Nug Pita, Jon ele amelahppa aum. “Aa goya, Pasowanu ee ihinig bappaidpeɗ, ig lakkunig,” awa aum.

Luk 24:53

Gona ag hanhan Kayaknu mettid lakka daanna, ag Kayak binag menan daadttappig.

Jon 21:7

Anam daye amu ippunittak awak danab laa, Jesus nuhignu oo huanak mauhttom ele amu, nug Saimon Pita amegppa aum. “Umu am Naɗi,” awa aum. Anam a, Saimon Pita nug uɗat haaha, ulahnu lamen uɗa dayom ele amu, haen nug, “Umu am Naɗi,” nai amu doya, nug ulah lamen awa ma, oola leppa noum.

Aposel 10:3

Nug anam heehe amu deɗ laa tueb, aam ameg ewamppa nug tuleglegppa Kayaknu engel laa miag atiak nug gumitta uɗia anttom. Engel nug uɗia, onig diia, “Kornilius,” aum.

Aposel 10:30

Awa a aria Kornilius aha, nug keeke nuhigppa be anttom amunu mattia inam aum. “Keeke anidmi amu gemu deɗ waɗele iikku ukkom am inam. Da laulppa dayeye, da tueb, aam ameg ewamppa haen gemu inam iikku bia aakku da unuqittitti, danab laa, nuhig lamen am amahlaknab ele, nug da noolppa hibaitta

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Aposel 3:3

Danab amu nug Pita, Jon ele aa Kayaknu mettid lag ooppa noeheh anata, nug keeke mettaglahnu unuqatom.

Aposel 3:4

Unuqate, Pita, Jon ele aa nug tutukku neekkidyaya, Pita nug aum. “Na i anite!” awa aum.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Aposel 5:25

Amu ag anam mattiegeg, danab laa uɗia amelagppa aum. “Doyeg! Danab ag maniguittakppa inadppig ele amu, ag Kayaknu mettid lag ooppa danab ah ippunittak nai madatteb,” awa aum.

Aposel 8:14

Pilip anam he, totol danab 12 Jerusalem daappig ag Samaria danab ah Kayak nai doon, oolagppa genab dooppig doyona, ag heeg, Pita, Jon ele noya anadpiɗ.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.