Aposel 28:4 - Nobonob Baibel

⁴ Mat Pol eppegppa anam ha dayeye, nud amuppanu danab ah ag mat amu Pol eppeg emala, ilul ewa daye anidna, ag akka akka ahilag dabmakppanu madippig. “Danab umu nug amu danab laa qe mauhom bia doottem. Amuppa nug nob awa mauhkkunu dayom, amge nug yuppa ii mauhom. Yuppa ii mauhom, amge geha nug Kayaknu nob mettak qe-eɗidkkunu elele iitta,” aon appig.

Aposel 28:4 Iomraidhean Croise

Genesis 3:1

Haen amuppa, mat nug dabmak lokkumakppa kobol kobol hekkunu doya auta awawa, nug amu hekkunu doɗ dakkuɗ laa oh Yawe Kayak hattom ele, nug amu oh eɗattak dayom. Dayaya amu, nug ah amegppa aum. “Kayak Nug genabte aa ad imu oh meulkad ii lamayanu amelahppa aum?” awa oɗ mettom.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Aisaia 43:20

Da danab ah dahilad, da ag tituanadmi amu, da ag le lakkulagnu atu taɗakppa le hadakkul. Ao, da danab ah dahilad ag le lakkulagnu, da wan meu waknu nakokib elele, appa da le hadappi gokkulag. Da amu hekkul amunu, doɗ dakkuɗ digdig, doɗ jakal, aria hipunai ele, ag le amu lanana, ag dahilnu oolag gamag ahebeb, ag dahilnu, ‘Ena hen mekkame,’ bia dooglag.

Sepanaia 2:15

Aab okkai Niniwe amu, tatam appan danab ah ag gamag ahaknu qagmakppa daan, muttub qenana, ag baɗak iittappa daappig. Appan danab ah ag appig. “Wan atu ohppa aab laa ihinig aab imu bia laa ii daatte. Aab ihinig amu laa oh eɗadtte,” aon appig, Amge Yawe Nug heeb, Niniwe nauha auta autanab aokku. Aab naɗi amuam doɗ dakkuɗ laulkad daakku. Ao, danab aun aɗi ag laih gokkulagnu Niniwe gukkuidna wana gonana, ag aab naɗi amu aon aon qettaglag.

Matyu 23:35

Anam amunu, wan imuppanu genab tutukku hak danab aqe mauhak digmak Abel, nug am genab tutukku hak danab, nug mauhe uɗie, Berekia bekka Sekaraia, ag nug qaɗab, Kayaknu mettid lag ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku.

Matyu 27:25

Nug anam a amu, ag appig. “Am ena. Nuhig mauhaknu aab am ig, ihinkad nid naunau ele, ig oh ihinigppa dayaɗ!” aon appig.

Luk 13:2

Amu aeg amu Jesus Nug amelagppa aum. “Ag ahilag dabmakppa, ‘Galili danab amu ag hipunin danab nau, Galili laa oh eɗattak amunu aqappig,’ aon attebte?

Luk 13:4

Laa ele, danab 18, anukka Siloam appa lag attan ta ukkak menppa hak na qa aqe mauhppig amu, ag ahilag dabmakppa ag amu dilagnu amu ag, ‘Danab amu, eheɗ hak ahilag am danab laala Jerusalem daatteb ele amu, ahilag eheɗ hak oh eɗattak,’ aon attebte?

Jon 7:24

Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Aposel 28:2

Danab ah nud amuppanu ag oo bodoettak kobolppa ehanigna autna autna aon, ag ig ele laippu dayaknu oolagppa eleleib dooppig. Am gu ne, atu oug meum amunu ag aab ilon, ig oh omaikkeg, uɗigkkunignu guguittak gomut.

Aposel 28:3

Am Pol nug aab hiɗig laala akka, aab ewewe me, am mat nau laa aab hiɗigppa dayeye ewe ba Pol emala, aegppa aiha ilul ewa dayom.

Aposel 28:5

Ag anam aon appig amge Pol nug mat amu maute, aab aɗuppa no, Pol nug uug laa ii doya dayeye,

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.