Aposel 26:6 - Nobonob Baibel

⁶ Amu Kayak Nug anukka ig mamenkad aɗi amelagppa nai laa qakka aum, amu da ana qakkak nai amunu dabmak aɗa ameg ma dayak doottem amunu, Juda ag da hettoɗiakppa meiɗna beɗulppa nai yaatteb.

Aposel 26:6 Iomraidhean Croise

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Sam 132:11

Dawitnu amu, Yawe Nug keeke laa genabnab hekkunu nai ɠagattag qetta aum. Nug Dawit amegppa aum amu, Nug hekkunu nai ɠagattag qetta anak amu tuqa ii aoma, hanhan daakku. Nug inam iikku aum. “Da heppi, na buɗunppan laa nug nahip sia kingppa daakku.

Sam 132:17

Jerusalem appa da heppi, Dawit buɗubppan laa ɠagattag ba daakku. Ao, da laa nug king daakkunu goɗen gokkaɗakppa tituanmi ele, da heppi, nug danab ah dahilad dilag amahlak daakku.

Sam 98:2

Yawe Nug danab ah ehanitta, padal ii mak kobol nuhig danab ah ippuanattom. Ao, Nug aɗi hette, Nug genab tutukkuib hette amu, Nug amu wanppan wan anen anen oh dilag danab ah ippuanattom.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Esekiel 21:27

Amu kekeɗ ag Juda wan heppeg nauhkku. Ge, ag heppeg, Juda wan am nauhkku. Da heppi, Juda wan am anam nauhak dayeb ukkeb, laa nug genab king daakkunu daatte, nug uɗieb, da wan amu nug medakkul.” Yawe Nug anam atte.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Joel 2:32

Anam amge aun laa nug Yawe onigppa eeb amu, Yawe Nug ehanitteb, nug padal ii mema. Am aɗinu anam bekku? Yawe aumbia, qauko Sion, am Jerusalem appa ele, oɗo yaak danab daaglag. Ao, oɗo yaak danab oolagppa laa, Yawe onilagppa eum ele, ag daaglag.

Obadaia 1:21

Amu danab Yawe Nug ag Israel ehanatteg, qagaiettakppa ii daamnanu tituanadkku, huu amu ag qauko Sion, ⌊Jerusalem daatteppa,⌋ ag appa tena, ag Edom wan gumaglag. Amu Yawe Nug nukka, Nug ahilag king daakku.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Sekaraia 6:12

Na amu hewona, na nug amegppa inam akkut. Yawe Nukka Ɠagattag Oh Ele Nug inam atte. Laa nug onig Ad Diigppa Ita Bau, nug nuhig abenppa dayaya, elelenab mekku. Nug Yawenu mettid lag eɗua bappaidkku.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

Aposel 24:21

Ag keeke laa ii anidppig bia, amge ag laippuib anidppigtai. Amuam da ag oolagppa hibaittette, da nai laippu imu ein ami. ‘Dimppa Kayak Nug heeb, danab mauhppig amu ag eɗun hippaidkkulagnu oolppa genab doottem amunu, da ag noolagppa hettoɗiakppa daattem.’ Da anam emi,” awa aum.

Aposel 26:8

Amge Kayak Nug heeb, danab ag eɗun hippaidkkulagnu elele iittate? Aɗinu ag daatteb oolagppanu laa ag amunu uug dootteb?

Aposel 28:20

Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Aposel 3:24

Amu propet oh Samuelnuppa digmak daaeg uɗiom, haen gemu ihinigppa doum daatte, ag oh nai mehuqnana, imunu appig amu iikku ig anidttem.

Rom 15:8

Da inam attem. Kristus, Nug Kayaknu nai ig alankad amelagppa qakkatta aum amu, nai amuam genab miag atikkunu, Kristus Nug Juda dilag maɗi nid beum.

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

Duteronomi 18:15

Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.