Aposel 26:4 - Nobonob Baibel

⁴ Pol nug nai amu ana, nug nai tuɗitta inam aum. “Da nid nakokppan uɗia gemu batak attem attem oimi amu, Juda okkai ag dootteb. Yo, da appal diig domippa amu Jerusalem appa ele, da attem attem oimi amu, ag dootteb.

Aposel 26:4 Iomraidhean Croise

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Galesia 1:13

Am da kobol anukka, haen da Juda dilag kobol dim lamittette, kobol hemi amu, ag amu dootteb. Kayaknu Kristen tamaniak danab eheɗ hattak danab nau am da iikku; ag iitta mekkulagnu da wagai mein hemi.

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.

2 Timoti 3:10

Amge na da ele oiɗa, na dahil ippunittak nai, dahil oiyak kobol, uɗat da hettem ele diig aɗinu da hettem amu, na amu oh doottem. Na amu doon, na ooppa genab doyak dahil, oo bodoettak kobol dahil, oo mauhak kobol dahil, amu uug mawewe ɠagattag dayak kobol dahil ele na doottem.