Aposel 26:10 - Nobonob Baibel

¹⁰ Da anam aakku Jerusalem appa hemi. Mana mettak danab okkai ag aeg amu, da Kayaknu danab ah oppiaawak ele kuɗum aɗalatten maniguittakppa maadmi. Maatti, laa mauhkkulagnu appig amu, da ele anam ami.

Aposel 26:10 Iomraidhean Croise

Sam 16:3

Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 9:21

Nug Jesusnu nai amelagppa mehuqeqe doonna, danab oh ag nuhignu ottaina dabmak kuɗum aonna, ag appig. “Danab amu nug aakkuib danab ah ag Jesusnu oolagppa genab doon unuqidtteb ele amu, nug ag aqattom. Nug Jerusalem uppa anam ha, ippa ele nug ag hippalatta diia, mana mettak danab okkai eppelagppa maadkkunu uɗiom,” aon appig.

Aposel 9:26

Aria Saul nug oiyaya, Jerusalem ukka, nug danab Jesusnu oolagppa genab dooppig ele, nug ag ele oh daaglagnu heum, amge ag oh nug baɗidppig. Aɗinu? Ag nug oo eɗue, Jesusnu ooppa genab doyom amu, ag amu oolagppa genab ii dooppig.

Aposel 9:32

Pita nug danab ag matatun aabaab gona daappig anadkkunu oiyaya, nug aab Lida noa, appa Kayaknu danab ah oppiaawak ele anatte daappig.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

Galesia 1:13

Am da kobol anukka, haen da Juda dilag kobol dim lamittette, kobol hemi amu, ag amu dootteb. Kayaknu Kristen tamaniak danab eheɗ hattak danab nau am da iikku; ag iitta mekkulagnu da wagai mein hemi.

Epesus 1:1

Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.