Aposel 23:6 - Nobonob Baibel6 Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum. Faic an caibideil |
Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.
Ag anam heeg, wagɗe deɗ amuppa daup ikki anuqak nug Juda ag Pol beɗuppa nai yaan heppig, amu diig dookkunu nug Pol senppa qagappig amu uhuqowa, nug nai me ukke, mana mettak danab okkai amu Juda dilag hettoɗiak okkai onig Sanhidren, amunu danab oh ele qagmeeg, nug Pol omala doa, ag noolagppa he hibaittom.
Da anam hemi amu, mana mettak ikki danab nug, amu Juda dilag hettoɗiak okkai onig Sanhidren, amunu danab ele oh ag dootteb, ag amunu mattiglagnu elele. Da hei, ag ig lainkad Damaskus dilagnu uɗug yaaladna da meɗaeg, da Damaskus gokkulnu gomi. Da Kristen danab ah appanu amu hippalatten diien, Jerusalem uɗippi, ag hettoɗiakppa guittak aoglagnu gomi,” awa aum.
Ag anam ana amu, ag nai tuɗidna appig. “Ig anam amut amunu, ag amu Juda dilag hettoɗiak okkai onig Sanhidren, amunu danab ele ag gemu nai meppeg, ban daup ikki anuqak toppa ukkeb, nug Pol omala ag gumatta nekkunu oɗ mettaglag. Ag hambuppun inam aon amegppa aig! ‘Ig Pol nai maditte, nug tuɗitta mattiebeb, ig diignab doognignu oonig daatte!’ Ag anam appeg, nug omala neebeb ig bappaidta meidta daagnig amunu, Pol nug ag gumatta ii beebeb, ig geha nug qepput mauhkku,” aon appig.
Awa a amu nid bau amu nug amegppa aum. “Juda dilag hettoɗiak okkai onig Sanhidrennu danab ag Pol nai maditte, nug tuɗitta mattiebeb, ag diignab dooglagnu nai na dookkutnu meeb uɗieb, na butti Pol omalna, Juda dilag hettoɗiak okkai onig Sanhidrennu qagmakppa nokkutnu oɗ mettaglagnu nai qakkan malappig.