Aposel 23:21 - Nobonob Baibel

²¹ Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.

Aposel 23:21 Iomraidhean Croise

Eksodas 23:2

Danab kuɗum ag kobol eheɗ hekkulagnu dayeb amu, ag laa ag ahilag kobol amu aib dim lamidppig! Aria, haen danab kuɗum ag hettoɗiakppa ahan, nai doya mala hettoɗia epeɗia elele mettaknu kobol heppeg na qekkunu nai kuɗum madippeg amu, ag laa, ag amu dilag nai am aib dim lamidppig! ⌊Iitta. Ag nai tutukku aakkuib mattieg!⌋

Luk 11:54

Nug nai eheɗ laa ab, ag Nug dimug mekkulag, amunu heppig.

Aposel 20:19

Ag dootteb, haen kuɗum Juda ag da tappiɗppeg nokkulnu heppig, amuppa amu da uug kuɗum aomi, amge da onil qei, honap noono, da Naɗinu uɗat hemi. Da haen kuɗum amel leb neum.

Aposel 23:22

Daup dilag ikki anuqak nug nid bau nai amu mattie doyowa amu, nug amegppa aum. “Na da amelppa nai imu ame amu, na danab laa amegppa nai amunu iinab mattimna!” Nug nai amu awowa, he ukkom.

Aposel 25:3

Ag yona, ag inam ele appig. “Na ig ehanigna, danab amu aon meppe, ippa Jerusalem uɗikkunu oɗ medattem,” ii daye daye oɗ medappig. Ag anam appig, amge diigppanab ag ib aɗan lokkumna daanna, Pol qeppeg mauhkku dabmeppig.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

2 Korint 11:26

Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.