Aposel 23:10 - Nobonob Baibel

¹⁰ Naippan nug qak amuam okkainab be, huana heeg, ban daup dilag ikki anuqak nug antta, “Ag Pol aɗan eeɗna, gamagppa paguppeg mauhkkutai,” anana, oo baɗe, nug daup amelagppa, “Ag nona, wagai mena, Pol gamagppanu aon, omalna gona, ag laulag ooppa noig!” awa aum.

Aposel 23:10 Iomraidhean Croise

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Sam 7:2

Na anam ii hekkut dayeb, kekeɗ ag geha laion laa doɗ laa kattiɗtte, ag amubia da kattiɗilkkulag. Ao, na anam ii hekkut dayeb amu, kekeɗ ag doɗ laa layag emala kattiɗe, huppu huppu nette, amubia ag heppeg da nauhkkul, amu auntai laa da ehaniɗeb qagaiettakppa ii daakkulnu ii daama.

Maika 3:3

Ag am danab nug doɗ gaɗa tola awa, teppu tuqa, otaɗe ne, ebehi ele qiialatte ne, nug teppu biliken ooppa maknu oppate ne, ewa male latte, amubia ag danab ah dahilad eheɗ nau anam hadatteb,” awe ami.

Aposel 21:37

Daup ag Pol omalna, lag daup daappigppa nokkulagnu heegeg amu Pol nug ban daup dilag ikki anuqak, nug amegppa nai laa madikkunu oɗ mette, ban daup dilag ikki anuqak nug Pol Grik naippa nai mattiom doya, ottaia, Pol oɗ mettom. “Na Grik nai doottemte?

Aposel 22:24

Ag anam heegeg amu, ban daup dilag ikki anuqak nug he, daup ag Pol omalna, daup laulag ooppa noeg, ban daup dilag ikki anuqak nug aɗinu Juda ag Polnu anam henan eppig ele amu, nug amunu diig dookkunu, nug nuhikkud daup ag Pol bu qaun eleppa eheɗ mataɗidnana hettoɗiglagnu aum.

Aposel 23:16

Ag anam hekkulagnu appig, amge haen Pol bekka nakok, nug anig Pol ele aa eappinag amu, nug ag ib aɗan daappeg, Pol noobob, qeppeg mauhkkunu mattiegeg doya amu, nug ukka, daup laulag ooppa noa, nug Pol amegppa amunu aum.

Aposel 23:27

Juda ag danab imu aɗan, qeppeg mauhkkunu heppig, amge da nug am Rom danab doomi amunu, ag anam heegeg, da daup ele ig gota anadta, Pol ag eppelagppan aomut.

Aposel 23:28

Ag anam heppig amunu, da ag aɗi diignu heppig amu da dookkulnu danab imu omale, hettoɗiak okkai ahilag onig Sanhidren, amunu qagmakppa nomi.

Aposel 23:32

Gona tena daaegeg, wagɗe deɗ amuppa daup laa oh ag eɗun laulagppa ukkaegeg amu, ban daup hosppa goppig ag Pol omalna Sisaria noppig.

Aposel 24:7

amge ban daup ikki anuqak Lisias, nug aha wagai ma, nug danab imu ig eppenigppanu awom.

2 Korint 11:26

Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 3:14

Amge laa dilagnu amelag qe oolag elele ii dayak kobol ninig ele ag oolkadppa daatte dayeb, amu akka akka ahilagnuib dabmak awak kobol ag oolkadppa ele daatte dayeb amu, nau amu tonattepnu ag dada mattiak, nai hambuppuak ele aib madippig.