Aposel 22:1 - Nobonob Baibel

¹ “O da lailad, mamelad aɗi, da ahilag nai amu nob mebippi, ag daulag human dooglagnu oɗ madattem,” awa aum.

Aposel 22:1 Iomraidhean Croise

Luk 12:11

Amu laa ag ag diiadna, Juda dilag nai doyak lakka, o gabman noolagppa, o laa ag gumaknu ehah ele noolagppa keeke goppeg, ag haen amuppa ag ena daaglagnu aɗi akkulagnu, ag nai aɗinab mattiglagnu ele dabmak huan aib aoppig.

Luk 21:14

Nug anam ana, Nug nai tuɗitta aum. “Ag nai amu nob attem ag ena daaglagnu akkulagnu dabmak huan aib aoppig.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Aposel 19:33

Ag anam heegeg, Juda daappig ele ag ⌊aab amuppan danab ag ahilagppa nai yaamnanu baɗan, ag⌋ ahan, Aleksander duttuneg noolagppa no, danab laa appa daappig ele ag nug nai madikkunu heeg, Aleksander nug eppeg huma, danab ah amelagppa nai ab dooglagnu digma akkunu heum.

Aposel 23:1

Pol nug noolagppa hibaitta dayaya, hettoɗiak okkai danab daappig amu oh neekkattatta, nug aum. “O lailad, da Kayak noobppa oolppan oiyak ippunittaknu ulum ippuniɗom bia oiiyi uɗie, gemu ele oittem,” awa aum.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 24:10

Aria, Tertulus nug nai mattia male, Peliks nug doya, nug Pol nug nai madikkunu eppegppa he, Pol nug nai amu nob ma inam mattiom. “Danab naɗi, da doottem, na wan imuppan epeɗiak danab matu digmena dayeye uɗie, gemu ele anam daattem amunu, da oolppa ena doyeye, na noomppa nai amu nob mekkul.

Aposel 25:16

Amge da eɗuen ag amelagppa inam ami. ‘Ig Rom, ihinig kobolppa, ig danab laa, laa ag nug beɗuppa nai yaatteb ele, ig nug paha eheɗ heum ii attem. Iitta. Tatam danab nug eheɗ heumtai o iittatai doyaknu nug hettoɗiakppa danab nai nug beɗuppa yaatteb noolagppa daya, nug nukka nuhignu nug aɗi heum ab doot, ig nai amu oh dabmettem. Ig amu hewota, ig nug eheɗ heum anidta amu, ig nug nob mettagnig. Iitta am iitta,’ awe ami.

Aposel 25:8

Ag anam heeg amu Pol aha, ahilag nai amu nob ma, inam aum. “Da keeke aɗitai eheɗ laa ii hemi. Da Juda dilag ɗonu, Kayaknu mettid lagnu, amu Sisarnu ele eheɗ laa ii hemi,” awa aum.

Aposel 26:24

Pol nug anam aawo amu Pestus nug Polnu nai otaɗa eum. “Pol na am kaaka nittom. Na sul huanak heme amunu, doyak okkai nahip amu he, kaaka nidatte!” awa eum.

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Rom 2:15

Anam amunu, ahilag kobol anamppa Kayak Nug ɗo ig aɗi hekkunignu ippunigtte ag oolagppa yom amu aakku miag atitte. Amu ag ahilag ooppan oiyak ippunittaknu ulum ele ɗo amu aakku yom daatte miagib atte. Aɗinu? Ulum amu nug haen laala dabmak ahilagppa, kobol ag hetteb epeɗiattatta, ag eheɗ hetteb ippuanatta, amu haen laala kobol ag hetteb ele amu, elelenab ippunadtte.

1 Korint 9:3

Am laa ele, danab laala ag da epeɗilna daatteb amu, da eɗue amelagppa inam attem.

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

2 Korint 7:11

Ag imu dabmetteg! Ooppa guittak doyak, Kayak Nug ag amubia dooglagnu oo dayom amu, nug he, kobol digdig meu ena ele ahilagppa beum. Ooppan guittak amu nug ag tappaɗatte, ag Kayak pehettak dim lamidkkulagnu wagai metteb. Ooppan guittak amu nug ag tappaɗatte, ag ahan, aɗi keekenu oolagppa uug daatte amunu epeɗin elele medappig. Ooppan guittak amu nug danab laa eheɗ heum amu ag bappaidkkulagnu maɗattom, amu ag oo ottaiak ele dooppig. Aria ooppa guittak amu nug he, ag ig anigkkulagnu ag oolag gayom, amu ag ihinignu dabmak huan aoppig. Ooppa guittak amu nug he, ag toliattak uɗat hekkulagnu wagai meppig. Uug babaittak uɗat oh ag hetteb amu, ag eleleib hetteb, ahilagnu aɗi laa mattignig? Ag uɗat amu eleleib hetteb.

Pilipai 1:17

Amge laala, ag dabmak ahilag tutukku iitta, ag onilag naɗi daakkunu henana, ag Kristusnu nai mehuqnana, ag da hippalakppa daattemppanu uug laala ele heppeg bekkulagnu hetteb.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

2 Timoti 4:16

Tatam da hettoɗiakppa meiɗppig amu, laippu laa da ii ehaniɗom, ohnab da uuiɗna malappig, amge da aab ag qaɗelagppa ii nemanu Kayak unuqidttem.

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,