Aposel 21:11 - Nobonob Baibel

¹¹ Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.

Aposel 21:11 Iomraidhean Croise

1 King 22:11

Propet amu ag ahilag nai mattiegeg, ag oolagppan laa, Kenana bekka Sedekaia, nug doɗ qeqeɗi dottog aenppa hak awa, nug aum. “Yawe Nug inam atte. ‘Na imuppa Aram dilag daup yaaladna, yaaladna, oh yaaladna maladkkut,’ awa atte,” awa aum.

Aisaia 20:2

⌊Asiria ag Pilistia dilag aab okkai amu aoppig, amge keeke amu ii bak, bekkunu maɗ ewam daye,⌋ haen amuppa Yawe Nug Amos bekka Aisaia amegppa aum. “Na lamen heɗiag ele meme amu uɗona, na baen gaɗa baenppan ele uɗakkut,” awa aum. Nug anam a, Aisaia nug anam haaha, nug qaɗeppan lamen ele iitta, baeg gaɗa ele iitta, anam hamu oiyom. Am Aisaia nug Yawenu nai doya, nug Yawe aum bia anam heum.

Jeremaia 19:1

Amu Yawe Nug da, Jeremaia, da amelppa aum. “Jeremaia, na waa keeke hak danab laugppa gona, appa na hinai laa daden mewona, na Israel dilag ikki danab laa, amu mana mettak danab laa ele diin,

Hosea 12:10

Da ⌊ag nau aomnanu, da⌋ dahil propet amelagppa nai mattimi. Da hei, ag tulegleg kuɗum anidppig. ⌊Da amu hein, da hei, propet ag uɗin, ag amelagppa mattiegeg, ag dooppig⌋. Ele amu, da propet keeke danab ag dootteb ii dootteb ele ouaqatta, ippunittak nai kuɗum ippuanatti, ag mattiegeg dooppig.” Yawe Nug anam aakku atte.

Jon 18:1

Jesus anam unuqitta male, Nug nuhikkud ippunittak awak danab ele ag ahan gona, oolnu noak onig Kidron mataɗna, olip dad laa appa dayom amu, ag dad amu ooppa noppig.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 20:23

Amge imuib amu da doottem, da aabaab ohppa oittem amu, Kayak Ouɗi Nug nau aomanu dabmettak nai, da amelppa inam maditte. ‘Geha ag na maniguittakppa meidppeg, na uug kuɗum aokkut,’ awa atte.

Aposel 21:33

Uueg, ban daup dilag ikki anuqak nug gumatta wana, Pol aɗa, daup amelagppa, “Ag nug sen aɗitppa qakkeg!” ana, nug Juda danab oɗ mattom. “Imu danab aun, nug aɗi heum?” awa oɗ mattom.

Aposel 21:4

Anam dayeye amu ig gota, Kristen danab anadta, appa ig deɗ eblaih aɗit ele daamut. Amu Kayak Ouɗi Nug Kristen amu dilag dabmak maɗette, ag Pol amegppa, nug Jerusalem ii gomanu appig.

Aposel 22:25

Nug anam a, ag Pol bu qaun eleppa eheɗ mataɗkkulagnu muɗippa hippalegeg amu, ban daup 100 dilag ikki laa nug Pol guguitta hibaitta dayeye, Pol nug amegppa inam aum. “Rom dilag ɗo am attem ippunigtte? Ag Rom danab nug tatam bu qaun eleppa eheɗ mataɗppeg, dimppa nug hettoɗiakppa, nug eheɗ heumtai o iittatai anidkkulagnu attete?” awa oɗ mettom.

Aposel 24:27

Amu Peliks nug anam haaha dayeye, dimppa maɗ aɗit ukke amu, Porsius Pestus nug Peliks abenab aokkunu uɗiom, amge Peliks nug Juda ag oolag ena daakkunu Pol maniguittakppanu ii uhuqom.

Aposel 26:29

Nug anam a amu Pol nug aum. “Da haen elab madikkul o da haen tutu madikkul, amuam keeke okkai iitta. Keeke okkai amu na da daattem bia daakkut, amu da amunu Kayak unuqidttem. Na nakka iitta. Gemu danab laa imu oh ag dahil nai dootteb, ag ele anam daaglagnu unuqidttem. Sen imu aakkuib am ag aoglagnu da ool ii daatte,” awa aum.

Aposel 28:17

Pol nug appa dayeye, deɗ ewam uue nug Juda dilag ikki danab onilagppa ee uɗin qagmeeg, nug amelagppa inam aum. “O lailad, da ihinig huu amu tappadppi nokkulagnu o iitta ig alankad dilag kobol amu nau ainne maute ukkaknu laa ii hemi. Da anam laa ii heme, amge Juda ag da Jerusalem appa hippaliɗna Rom danab eppelagppa meiɗppig.

Aposel 28:20

Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Aposel 28:25

Ag anam henana ag gokkulagnu gonana, ag am akka akka ahilag dabmak ib piɗe piɗe dayeye, ag ahan goppig. Ag anam henana goppig, amge Pol nug tatam nai laa ahilagnu inam mehuqom. “Kayak Ouɗi Nug ig alankad amelagppa nai genabnab laa propet Aisaia oɗeppa aum. Nai amuam inam.

Aposel 8:29

Nug amu ebqaaqa ugekke, Kayak Ouɗi Nug Pilip amegppa aum. “Na karis umu gukkuidna ukke!” awa aum.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

1 Timoti 4:1

Kayak Ouɗi Nug miag ippunigtte, haen gamag imuppa danab laala ag oolagppa genab doyak uuna, ag ouɗi hambuppuak dilag nai, amu ouɗi nau dilag nai ele dim lamidkkulag.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Hibru 3:7

Amunu Kayak Ouɗi Nug atte bia: “Ag gemu Kayak Nug nai inam atte amu, ag daulag human doyeg!” Nai amuam inam.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.