Aposel 2:5 - Nobonob Baibel

⁵ Haen amuppa wan ohppanu Juda danab ag Kayaknu ebehilkad oh bodoetta le meum ele, ag gona, wanppan wan ohppa daappig amu, ag appanu uɗin Jerusalem daappig.

Aposel 2:5 Iomraidhean Croise

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Aisaia 66:18

Amu Yawe atte. “Wan imuppan wan ohppan danab ah, amu nai digdigppan ele aɗi henan dabmetteb amu, da doottem. Da amu doottem amunu, da danab ah wan atu ohnu diie, qagmaadppi, ag uɗin, binag amahlak oppiaawak ele dahil anidkkulag. Da ag amu hekkulagnu uɗikkulnu hettem.

Sekaraia 8:18

Amu Yawe Nukka Ɠagattag Oh ele, Nug da, Sekaraia, Nug da nuhig nai baula meɗom. Nai amuam inam.

Matyu 24:14

Amu danab ah oh dooglagnu ag Kayaknu ɗo maɗoɗnu Nai Ena wan atu ohppa mehuqppeg, danab ah dooppeg, geha haen amuppa gog tak haen bekku.

Luk 17:24

Amemɗi awa amahaltte amu, ag dootteb. Amemɗi awa nuhig amahlak amu atu ohppa amahaltte, lokkumak iitta. Am Danab Bekkalag da, geha dahil uɗiak haenppa da ele lokkumak ii uɗipa amunu, ag laa amu aib dim lamadna goppig.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Luk 24:18

Aa anam daayya, danab onig Kliopas nug aha amegppa aum. “Amu danab aab laih laihnu oh ag gemu Jerusalem daatteb amu, ag oolagppa na nakka aakkuibtai keeke oh haen imuppa Jerusalem beum am iite doottem?” awa aum.

Jon 12:20

Amu haen amuppa Grik laala ag ele Jerusalem appa Juda danab ah ag hobul amu anidkkulagnu ukkaegeg, ag ele oh Kayak noobppa dup nona binag mekkulagnu goppig.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 10:7

Engel nug Kornilius amegppa anam awowa ugekke, aria Kornilius nug nuhikuɗ maɗi nid aɗit laa, amu daup laippu ele onilagppa e doppig. Daup amu nug Kayaknu ooppa genab doya, nug Kornilius ehanittom.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

Aposel 22:12

Aria, appa danab laa dayom, nug onig Ananias. Nug am ɗo dim lamittak danab. Juda oh Damaskus daatteb ele, ag nuhignu ena elele dootteb.

Aposel 8:27

A amu, aria Pilip nug aha ukkom. Amu ibppa nug Itiopia danab laa uɗa teum. Danab amu nug am Itiopia dilag Kwin Kandasi, nuhig ehanittak anuqak danab okkai laa. Nug am danab hipab qak ele. Nug Kandasinu men doɗo oh gumttom. Danab amu nug Kayak noobppa dup noa binag mekkunu Jerusalem ukkom.

Duteronomi 2:25

Gemu digmak da heppi, wan ohppan danab ag digmena, baɗak eheɗ nau ele ahilagnu dooglag. Ag aɗi hettebnu doona amu, ag naunab doon, ag baɗak okkai dooglag,” awa aum.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.