Aposel 2:42 - Nobonob Baibel

⁴² ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Aposel 2:42 Iomraidhean Croise

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Luk 24:35

Ag anam aeg, danab aɗit aa ibppa keeke oh be anidpiɗ, aa amunu mattiya, tuɗidya apiɗ. “Nug Kayak unuqitta, bret pana mete, i Nug anidɗa, aakku i Nug doomuɗ,” aoya apiɗ.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Aposel 20:11

Aria, Pol nug eɗua attan ta, bret awa pane lawona, dimppa amu nug ag ele nai mattiegeg wagɗom. Wagɗe amu Pol nug ukkom.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

Aposel 4:23

Aria, danab okkai ag heeg, Pita, Jon ele aa goya, aa lailti gumadya goya, mana mettak danab okkai amu ikki danab ele ag hettoɗiakppa nai appig amu oh aeh dooppig.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Aposel 6:4

Amge ig totol danab amu, ig hanhan unuqidtata, Kayak nai danab ah ippunadkkunig,” aon appig.

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

1 Korint 10:21

Ag Naɗi, amu ouɗi nau ele ouqak daaglagnu elele iitta. Ge, ag Kristus, amu ouɗi nau ele laippu daaglagnu elele iitta.

1 Korint 11:2

Ag hanhan dahil dabmetteb, nai da ag amelagppa attem ele amu, ag tutukku aon aɗatteb amunu, da ag onilag humattem.

1 Korint 14:6

O lailad, nai imu ag tutukku dabmettan aɗeg! Da ag gumatte ukke, nai laalappa nai madakkul amu, da ag attem ehanadkkul? Iitta, amge da ukken, nai ag dootteb ele, da nai amuppa Kayak Nug da nai aɗi ag amelagppa akkulnu ippuniɗom appi dooglag dayeb, o iitta doyak ena laa appi dooglag dayeb, o iitta propet nai laa appi dooglag dayeb, o iitta da ippunittak nai laa appi dooglag dayeb amu, amuppa da ag ehanadppi, ag Kayak tutukku dooglag.

Galesia 1:6

Ag Galesia ag kobol hettebnu amu, da ottaie, dabmak kuɗum aottem. Kayak Nug ag Kristusnu ehanittak okkai hamu mattomppa ag onilagppa eum amu, ag pahanab Nug uuna, ag Jesusnu Nai Ena dimettan, ag nai laa, danab laala ag gona mehuqeg doona, ag nai laa amunu ag, “Nai ena,” aon atteb ele, ag nai amu dim lamidtteb.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

Pilipai 1:5

Aɗinu? Ag i ele oh Nai Enanu uɗat laippu digmakppanu heut, otala ukke, gemu ele ig iikku anam daattem amunu, unuqittak dahilppa da maɗoɗppan gamag ahak huan doyeye, da Kayak ag ehanadkkunu unuqittette,

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

2 Timoti 3:14

Amge nahipnu amu na Kayak, nuhignu nai, nai amuam na doyak dabmak ena ippunitta heeb, na Kristus Jesusnu ootppa genab dooppe, Nug na eɗua awidkkunu elele daatte, na nai amu nid nakok daanna, digmen doona, na nai amu oh doottem, laa ippunidppig ele na doyadttem amunu, na amu dabmenan, aɗi keeke ippunidppig ele, nai amu aɗan oiye!

Hibru 10:25

Amu ig laala ag hetteb amubia ig Kristen lainkad ele qagmak laippu haknu kobol ii uumta. Iitta. Ig qagmetata, lainkad oolag ɠagattag aqatu! Ig Kristusnu deɗ miag doum daatte anidttem amunu, ig uɗat amu tuɗidta huana hetu!

Hibru 10:39

Amge ig am danab ag Jesus dimettan padal metteb ele, danab amu oolagppa ii daattem. Iitta! Ig am danab ag nuhignu oolagppa genab doon, bauklel aotteb ele amu, ag oolagppa daatteb.

1 Jon 1:3

Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!