Aposel 2:3 - Nobonob Baibel

³ Anam be amu, ag aab dittiak bia anitteg, aab amu oppateb, aab dittia tak kuɗum daanna, anen anen ag gona, danab ah daappig ele anen anenppa daappig.

Aposel 2:3 Iomraidhean Croise

Genesis 11:6

Yawe Nug na amu, Nug aum. “Danab imu ag laippu daan, nai laippu mattin, keeke imu digmeppig amunu, aɗi keeke ahilag maittakppa beeb, ag amu hekkulagnu elele daaglag.

Sam 55:9

Naɗi, da kobol laa, laa guittak nau mauhnoak mettak, amu nug mehqak ele, da amu aab okkaippa daye anidttem. Anam amunu, na nau hak danab amu hadappe nauhkkulagnu oɗ medattem. Ao, na heppe, nau hak danab amu ag ahilag nai laippu ii daamanu unuqidttem.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Jeremaia 23:29

Dahil nai am aab aɗu bia. Yo, dahil nai am hama, danab ag aguppa men oeg aoɗa, huppu huppu nette, dahil nai am amubia daatte.” Yawe Nug anam awa atte.

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Luk 24:32

amu aya aya inam apiɗ. “I ibppa uɗiuɗuɗ, Nug Kayak nai meu tutukku mehuqe doomuɗ amu, i oonihppa Kayaknu nai meu elenab iite doomuɗ?” aoya apiɗ.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Aposel 2:11

Ig laa am Juda, amu laa ag Juda dilag mettid dim lamidtteb. Amu ig Krit, amu Arebia appanu ele uɗimut. Uɗit, ig oh ig nainkad aben abenppa Kayak uɗat enanag haattomnu mehuqegeg doottem,” aon appig.

Aposel 2:2

Qagmen daaegeg, hab attannu oqotti, oqotti amuam ulah naɗi ɠagattag uɗiaya, oqotti otte bia amu, oqotti amu paha laippun uɗiom. Uɗie, lag ag daappigppa amu, oqotti amuam lag amu ohppa ambeum.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Revelesen 14:6

Aria, da engel laa nug hagagaɗa, nug Nai Ena bauklel hanhannu ele, danab oh wanppa daatteb, amuam danab ah ag wanppan wan ohppanu, huu ohppanu, nai ohppanu amu beɗulag iɗu iɗu ohppanu ele, ag amelagppa mehuqkkunu hab waappa aben gamag amuppa ugekke anidmi.