Aposel 2:2 - Nobonob Baibel

² Qagmen daaegeg, hab attannu oqotti, oqotti amuam ulah naɗi ɠagattag uɗiaya, oqotti otte bia amu, oqotti amu paha laippun uɗiom. Uɗie, lag ag daappigppa amu, oqotti amuam lag amu ohppa ambeum.

Aposel 2:2 Iomraidhean Croise

1 King 19:11

Elaiya nug anam a amu, Yawe Nug aum. “Na ahan dimittim gona, qaukoppa da noolppa daappe, da laihnu uɗien, na noomppa laih gokkul,” awa aum. Nug anam a, ulah okkai naɗi uɗia he, qauko amu, amu qauko amunu men ele Yawe noobppa aoɗppig, amge Yawe Nug ulah amuppa ii dayom. Ulah amu uɗia ukke, mim laa neum, amge Yawe Nug mim amuppa ii dayom.

Sam 18:10

Nug engel okkai-kerubim gomeppa dayeye, hagagɗa uɗiom. Ao, ai haugppa oitte, amubia ulah am Nug haug dayeye, huana uɗiom.

Solomonnu Ahi 4:16

Da dad bia daattem amunu, ulah yawalti uɗitteppanu, na ahe! Ao, ulah yau uɗitteppanu, na uɗie! Aa muttuɗig dahil tuala gokkunu amu, aa uɗiya iwaliɗeɗ! Laa nug dahilnu oo mauhtte ele amu, nug uɗia; nug nuhig dadppa uɗia, appa ad meu enanag laa, nug amu lakkunu ool daatte.

Aisaia 65:24

Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Luk 2:13

Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.

Jon 3:8

Ulah nug adekkuppanu uɗia, atten gotte amu, na ii doottem, nug ukkak nuhigib dim lamidtte. Na nuhig oqotti aakkuib doottem. Amubia danab ah Kayak Ouɗippa bau menuak aotteb ele amu, danab ag amunu diig oh anidna, oolag maidkkunu elele iitta,” awa aum.

Aposel 2:3

Anam be amu, ag aab dittiak bia anitteg, aab amu oppateb, aab dittia tak kuɗum daanna, anen anen ag gona, danab ah daappig ele anen anenppa daappig.

Aposel 2:6

Ag haen amu oqotti amu doona, danab ah kuɗum ag uɗin qagmena, danab piɗe piɗenu ag oh totol danab, ag nailkadppa nai mehuqegeg dooppig amunu, ag dabmak kuɗum aoppig.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.