Aposel 19:21 - Nobonob Baibel

²¹ Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

Aposel 19:21 Iomraidhean Croise

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Aposel 16:12

Neapolis appanu amu, ig ahat ⌊baenigppa⌋ gota, Pilipai temut. Aab okkai amunu amu, Romnu gabman nukka tutukku dabmettom; Makedonia wanppa anuqak dayom. Ig deɗ laala aab okkai amuppa daamut.

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Aposel 19:22

Nug anam awowa, nug danab aɗit nug ehanidpiɗ ele maate, Makedonia gopiɗ. Aa am Timoti, Erastus ele. Pol nukka Asia prowinsppa, appa nakok dayom.

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 20:16

Pol nug Pentikosnu deɗ ii nak haenppa Jerusalem tekkunu dabmak awom amunu, Asia prowinsppa haen amu eɗidmanu ig Epesus qe-eɗidkkunignu aum.

Aposel 20:22

Aria, doyeg! Gemu da dahil dabmak ɠagattag da duttuniɗa he, da iikku Jerusalem gottem. Appa aɗi keeke geha dahilppa bekku amu da ii doottem.

Aposel 21:17

Ig Jerusalem teut amu, Kristen ag ig awigna oolag megappig.

Aposel 21:4

Anam dayeye amu ig gota, Kristen danab anadta, appa ig deɗ eblaih aɗit ele daamut. Amu Kayak Ouɗi Nug Kristen amu dilag dabmak maɗette, ag Pol amegppa, nug Jerusalem ii gomanu appig.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

Aposel 28:16

Ɠagattag awe, ig Rom ooppa nout am gabman nug a, Pol nug nukka lag laappa dayeye, ban daup danab laippu gumeme daapiɗ.

Rom 1:11

Da ag anadkkulnu ool okkai daatte. Amunu diig am, da ag Kayak Ouɗinu ɗo hamu mettak laa madappi, ag oolag ɠagattag aqakkunu ool daatte.

Rom 1:13

O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 1:15

amunu, da ag Rom appa daatteb ele ahilagppa Nai Ena mehuqkkulnu ool okkai daatte.

1 Korint 16:5

Da tatam Makedonia oppaten gokkulnu dabmettem amunu, da anam oppaten ukkoya, geha da ahilagppa ana tekkul.

1 Korint 4:19

Laa ag anam hetteb, amge Naɗi Nug oo dayeb amu, da ag gumatte gokkul. Ukkena amu da beɗuppa tak danab amu dilag nai doyena, ɠagattag ahilag ele am genab daatte o iitta, amu ele da anidkkul.

2 Korint 10:16

Anam dayeb am geha ig Nai Ena amu aot, wan atu laala ag eɗatta wanak daatteb, ⌊danab laa uɗat appa ii hette amu,⌋ ig appa gota mehuqkkunig. Amuppa amu ig danab laa nug nuhig uɗat heumppa nota, ig binanig mekkunignu ib laa ii daama.

Galesia 2:1

Da anam hei ukke, maɗ 14 uue amu da Barnabas ele i oh eɗuɗ Jerusalem goɗa, da Taitus ele omali, ig oh gomut.

1 Tesalonaika 1:7

Amuppa ag danab prowins Makedonianu, prowins Akaianu ele ag oolagppa genab dootteb, ag danab amu oh kobol ena ippunadppig.