Biblia Todo Logo
Bìoball air-loidhne

- Sanasan -




Aposel 19:11 - Nobonob Baibel

11 Kayak Nug Pol eppegppa kobol danab hekkunu elele iitta okkainab heum.

Faic an caibideil Dèan lethbhreac




Aposel 19:11
10 Iomraidhean Croise  

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.


Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.


Pita nug nai amu anam mattieye, ag qagmak amuppa daappig ele, ag nai laa ii madippig. Ag nai ii mattieg amu Pol, Barnabas ele aa nai mattieheh, amuib dabmettaegeg, aa Kayak Nug aa eppelahppa Kayak dabmettaknu kobol danab haknu elele iitta kuɗum, digdig ele, iitta aɗi oolagppa heum amunu madipiɗ.


Nug kobol amu deɗ kuɗum he ukke ukke, Pol nug ooppa guittak doya, nug eɗua ouɗi nau amegppa aum. “Jesus Kristus onigppa na nug uuidkkutnu haknunab attem!” awa aum. Anam a amu ouɗi nau geha aakku nid ahin amu uuitta ukkom.


Aria, haen amuppa danab ah oh ag Jesusnu oolagppa genab dooppig ele ag hanhan Kayaknu mettid lagnu aɗ ooppa, aben laa Solomonnu Aben atteb, amuppa qagmedappig. Qagmenan oinna, totol danab 12 ag aabppan danab oolagppa Kayak dabmettaknu kobol danab haknu elele iitta kuɗum digdig, amu uɗat ɠagattagnab ele heppig.


Ag layattak aoegeg, Saimon ele ooppa genab doya, layattak awe, Pilip ele daaya, Pilip nug Kayak dabmettaknu kobol danab haknu elele iitta digdig okkai hatte antta, nug ottaia dabmak kuɗum awom.


Ib attenppa Kayak Nug nuhig Ouɗi ag matta, ag oolagppa kobol danab hekkunu elele iitta laala hette? Nug ag ɗonu uɗat hetteb, amuppa Nug anam hettetai? O iitta, Nug ag Nai Ena doon, ag oolagppa genab dooppig, ib amuppa anam hettetai? Ib laa iitta, Nug ooppa genab doyak aguppaib hette.


Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.


Lean sinn:

Sanasan


Sanasan