Aposel 19:10 - Nobonob Baibel

¹⁰ Maɗ aɗit Pol nug anam heum amunu, danab ah Asia prowinsppa daappig, Juda amu Grik ele, ag oh Naɗinu nai dooppig.

Aposel 19:10 Iomraidhean Croise

Aposel 13:12

Am gawana nug keeke amu antta, nug ooppa genab doyom. Aɗinu? Aa Naɗinu nai ippunidpiɗ amu, nug amunu dabmak kuɗum awom.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 18:11

Amu Pol nug Naɗi anam a doyowa, nug Korint appa maɗ laippu kalam eblaih laippu ele dayaya, nug Kayak nai ippuanattom.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Aposel 19:20

Anam heppig amunu, Naɗinu nai tuala uma ugakka, danab ah oolagppa uɗat ɠagattag heum.

Aposel 19:22

Nug anam awowa, nug danab aɗit nug ehanidpiɗ ele maate, Makedonia gopiɗ. Aa am Timoti, Erastus ele. Pol nukka Asia prowinsppa, appa nakok dayom.

Aposel 19:8

Aria, Pol nug Juda dilag nai doyak lag ooppa noa, nug baɗak iitta ele Kayaknu ɗo maɗoɗnu nai kalam ewam, danab nug nuhig nainu ooppa genab dookkunu elelenab mehuqom.

Aposel 2:9

Ig amu Partia, Midia, Elam, amu Mesopotemia ele daattem. Ig Juda, Kapadosia, Pontus, amu Asia ele daattem.

Aposel 20:18

Onilagppa e, ag uɗin nug gumidna beeg, nug amelagppa aum. “Ag da Asia prowinsppa ippa ag oolagppa digmein uɗat hei ukke ukke, da ag uuadmi batak, haen gamag amu ag da kobol aɗi hemi amu, ag aakku dootteb.

Aposel 20:31

Amunu ag ⌊nena qemananu⌋ dabmenan dayeg! Ag da maɗ ewam, tuqan, amun ele ag laib laib ag amelagppa hanhan nau aomanu maɗettaknu nai amel leb nak ele matti dooppig amu, ag amu dabmakppa aɗan dayeg!

Aposel 6:9

amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Rom 10:18

Amge da oɗ mettem. Israel danab amu ag nai iite dooppig? Yo, ⌊Kayak nai atte, amubia⌋ ag dooppig. ⌊Nai amuam inam.⌋ “Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte.”

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

2 Timoti 1:15

Na doome, Asia danab ag oh da uuiɗna goppig; danab amunu oolagppa am Pigelus, Hermogenes ele.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,